主頁, 偶像資訊, 動漫資訊, 潮玩新聞 — 07/07/2014 at 10:00 am

鄺彬強《自強不息》暫完 《魔武渡》接力

by

a

隨住聽風同約翰嘅死、藍目引退、天行正式加入君子會,《自強不息》第一輯暫時完結,鄺彬強即時推出《魔武渡》接力,畫番佢最擅長嘅武打技擊,我就好期待嘞,唔知大家點睇。

大渡張宣傳廣告好鬼有小說味架,上面寫住晒「四月初七,巨鯨幫被滅門」、「四月十六,天威派被覆滅」、「四月廿三,快腿門遭敗亡」、「五月初四,神彈幫遭剿亡」,再嚟一段「魔道抬頭,正義歹沒,顛覆江湖,武渡眾生」,幾鬼死武俠小說Feel呀。故事背景設定喺元朝,話江湖上大小三十五個門派幫會,喺短短三個月內被摷滅,武林正道唯少林馬首是瞻,點知少林班和尚都自身難保,少林寺十八銅人都俾歹人KO埋,挽救武林嘅責任,因緣際會落喺一漂、惡鬼同開天三個主角身上。簡單,直接,正邪二分,故事脈絡分明,我Like,更加Like嘅係,今次《魔武道》用番傳統港漫薄裝形式推出,賣番$15,仲要全書48頁,比起下下都$35一本嘅精裝書,真係抵到爛呀大佬。7月17日,經過報攤買番本喇。

資料來源:https://www.facebook.com/photo.php?fbid=1520544191499000&set=a.1439691406250946.1073741828.1401394590080628&type=1&theater