主頁, 偶像資訊, 動漫資訊, 潮玩新聞 — 05/07/2014 at 4:45 pm

《火紅年代黑骨棠》 Beyond做封面

by

a

邱瑞新喺上個禮拜話會畫Beyond做封面,今個禮拜嘅第609期《火紅年代黑骨棠》果然兌現承諾,雖然明知係電腦加工,當中有幾多成份係「畫」,大家心中有數,不過呢個封面著實唔錯。

今期《火紅年代黑骨棠》書名叫〈海闊天空〉,內容交代火武同打靶俾差佬大仙屈入臭格作困獸鬥,不過兩人唔赦,以一敵十依然打到敵人一仆一碌;同時,大佬棠力保華興會老尖地盤,喺永勝麻雀館門前接受Ekin挑戰,馬灣大刀在手,所過之處肢離破碎。三條戰線,瑞新加入Beyond名曲《海闊天空》歌詞穿插畫面,成個為兄弟拋頭顱灑熱血嘅義氣豪情Mood好出。唔好笑我,我承認我係好低能地一路睇書,一路喺心入面唱緊《海闊天空》,唔,我會同自己講,睇公仔書睇得投入,係好事嚟嘅。