主頁, 偶像資訊, 動漫資訊, 潮玩新聞 — 26/06/2014 at 9:30 am

港漫情報:照賣$15,瑞新宣佈唔加價!

by

a

正當我同豬朋狗友打賭邊本公仔書會繼《古惑仔》之後加價之際,邱瑞新卻宣佈旗下兩本漫畫《火武耀揚》同《火紅年代黑骨棠》暫時維持售價不變,依舊每本$15,呢一著又當真估佢唔到喎。

講到加價,港漫一向好齊心,只要有領頭羊出現,不出一頭半個月,所有港漫都會劃一加價至相同水位。今次唔同,邱瑞新喺今期《火武耀揚》裡面嘅「瑞新週記」話:「漫畫加價!不過無新帝國份,一來無行家探問我意見,二來我暫時亦無加價壓力,所以全心為讀者朋友著想,有愛錫仔哋荷包嘅我,暫時無加價諗法,瑞新係咪好體貼你,好抵錫呢?」邱瑞新堅呀,好一句「暫時無加價壓力」,我都不知幾希望其他漫畫公司一樣無壓力,咁當然,硬要加兩蚊的話,我都會照畀嘅,鬼叫自己無公仔書睇會周身唔聚財咩。