fbpx
Wii, 主頁, 偶像資訊, 專題熱話, 潮玩新聞, 遊戲新聞 — 27/07/2012 at 12:20 am

新片速報 SMAP為《勇者鬥惡龍X》暫別藝能界!?

by

之前已經講過Square Enix喺7月25日舉行咗個《勇者鬥惡龍 X(ドラゴンクエスト X)目覚めし五つの種族 オンライン》發佈會,講呢隻8月2日發售嘅Wii網上遊戲嘅系統。而當中仲公佈咗會搵嚟SMAP賣廣告!廣告片啱啱出咗,片段一開始話SMAP要緊急舉行記者會,宣佈招募新SMAP,中居喺記者會就話佢哋要暫時做番普通人……雖然佢哋都就快步入退休年齡,不過,原來暫別係因為……佢哋要去打《勇者鬥惡龍 X》呀!

廣告中SMAP五人齊齊話:「因為要打《勇者鬥惡龍》而要暫時休息!」但其實遊戲發佈會當日,可能隻遊戲未出,所以SMAP成員木村拓哉都有出席,佢就話:「雖然唔係好似廣告中嘅緊急記者會,但呢隻遊戲可以成為大新聞的確好難得。到底點解會咁受歡迎呢?我哋都好認真咁諗過。今次遊戲世界變成網上世界,可以同大家共處喺遊戲入面,一定可以一齊感受遊戲嘅樂趣同魅力。我同大家一樣都好期待遊戲推出。」

httpvh://www.youtube.com/watch?v=EKwPfELvlvc

官方網站
http://www.dqx.jp/