Mobile games, 主頁, 手機/電腦 — 27/07/2012 at 12:00 pm

誰是罰球王?幫碧咸出口氣!

by

都唔知領隊皮亞斯諗乜,連碧咸都無份踢倫敦奧運,仲成世界o既?先唔講碧咸仲係當打,絕對有資格為國增光,人o地仆心仆命幫你成功申辦奧運,正所謂無功勞都有苦勞o丫,家陣一個屈尾十踢人出國家隊,過橋抽板,點講都唔通啦。
如果你都同我一樣咁勞氣,誠邀閣下下載「任意球」呢個免費Game出出氣。「任意球」即係「罰球」,作為玩家o既你,唔使挑戰人牆,只需挑戰準繩度。龍門有三個圈圈標示,圈圈有大有細,你要調校球員企位、移動紅十字標誌控制踢足球邊一點、按實足球控制射門力度,所有步驟做齊晒之後,放手!皮球就會彈射而出,射中圈圈有分加,射中細圈高分過大圈,一分鐘內任射鬥高分。遊戲就係咁簡單,慢慢玩,齊齊來替碧咸出口氣啦。
iPhone下載:http://itunes.apple.com/hk/app/ren-yi-qiu-mian-fei-ban/id545919630?l=zh&mt=8&ls=1

上方有紅字時間顯示,射射射,射它吧!