主頁, 動漫資訊, 潮玩新聞 — 22/07/2012 at 1:53 pm

完全版《群俠傳》卷十三,殺手之王的柔情!

by

好奇怪,每個禮拜一期三十頁單行本,逐期買逐期睇,會覺得唔夠癮頭,但一口氣連睇四期的話,又會越睇越吊癮,講緊o既係完全版《群俠傳》卷十三,劇情推進可以用「高潮迭起」四個大字形容,講得文縐縐o的,真係好鬼死津津有味呀。

卷十三重點有三,一,交代癲佬燕狂徒o係柳五手上救走李沉舟,關七醒番見到李沉舟得番半條人命,原本想一招劍指了結佢,但最後都忍住,因為佢都想引證自己o既「破體無形劍氣」同李沉舟o既「翻天三十六‧奇」誰高誰低;二,沈虎禪俾唐斬坤,替佢不眠不休殺退仇家,最後仇家慕容傲死,唐斬亦身受重傷,唐斬自知快死,趕住回家見義女小乙,殺手之王居然都有柔情一面!原來佢出道之初,盲字都唔識多隻,人o地叫佢殺「余家」大小,佢睇錯「佘家」為「余家」,一出初就擺烏龍,可憐「佘家」無端端家破人亡,淨番當時仲係嬰兒o既小乙未死,唐斬內疚,所以收養o左佢做義女;三,六分半堂同金風細雨樓正式結盟,狄飛驚同白愁飛雖然目標一致誓殺李沉舟,卻為爭做老大而大動干戈,最後約定七日後苦水舖一決高下,未結盟先內鬥,究竟誰勝誰敗?

《群俠傳》卷十三$48