主頁, 偶像資訊, 動漫資訊, 潮玩新聞 — 19/05/2014 at 10:30 am

福龍迷留意 赤殺王手辦出沒

by

b

福龍話《鐵將縱橫》銷量直線插水,打算喺不久將來調整售價,利申我會繼續支持,但明眼人都知加價絕非長遠之策,其實點解唔考慮推出多啲精品作幫補呢?就好似呢個赤殺王手辦咁,實有人買喎。

我係讀者,當然唔多理解一本港漫如何實際營運,但既然「福龍」兩個字咁有號召力,出多啲精品無壞吖,又或,同其他商品Crossover,斷估都可以殺出一條血路啩?言歸正傳,今次呢個1:6赤殺王手辦共有三個版本,分別係限量50個嘅原色版「霸」、限量20個嘅特別版「傲」同限量10個嘅限量版「狂」,各附送獨立編號證書一張、精美地台一個,每個$1600。貴?睇你點睇,鍾意得就一定唔貴,我話嘅。有興趣的話,請向「收藏家港漫專區」落訂。

收藏家港漫專區(2171 4168)
地址:旺角信和中心8樓801室