fbpx
主頁, 影音新聞, 電影 — 19/05/2014 at 10:00 am

新片速報《失戀急讓》預告 張家輝難得搞笑:「你買得起,就係買樓時機!」

by

a

影帝吖嘛,張家輝已經升上神檯,斷估唔會再演《賭俠1999》史伐龍同《黑馬王子》葡撻之類搞笑無賴角色,所以要好好珍惜呢套《失戀急讓》,張家輝拍搞笑片喎,我期待架。

《失戀急讓》故事講怕景物業地產經紀項少龍(張家輝飾),一世人只為磚頭營營役役,空姐女友嫌佢無樓所以拒絕下嫁,正自躊躇之際,佢聯同婚姻失敗嘅沙律(鄭秀文)同兩位朋友,一齊買「無雙臺」諗住炒樓,點知一簽紙就遇上政府辣招,四條友仔無多餘錢,侷住一齊搬入呢個蚊型單位。估計都係相見都未必好同住肯定更加難嘅諷刺時弊式喜劇喇,我就最鍾意呢條預告片最尾一句,張家輝咁話:「幾時係買樓好時機?你買得起嘅時候,就係買樓時機。」非常可圈可點,係反話定認真,睇你自己點樣演繹咯。