主頁, 偶像資訊, 動漫資訊, 潮玩新聞 — 15/05/2014 at 10:00 am

《同伴》5月27日創刊 友情與道義掛帥

by

a

老實,大渡精裝新書六連環之中,我最唔睇好《同伴》,怪只怪佢喺《大渡畫集》披露咗由貓十字設定嘅主角造型,嘩,啲尖下爬加矇豬眼面相嚇得我吖,好彩,睇埋之後嘅序章,我個心先無再噗噗噗噗咁跳。

《同伴》鐵定5月27日創刊,屬一「破半格」之作。點解只係破得半格?因為無睇錯的話,呢本應該都係傳統江湖書格局,不過唔以爭地盤爭女人爭社團為主軸,睇宣傳廣告,故事講幾兜靚仔「一起讀書、一起打交、一起溝女、一起夾Band」,成長路途上一切原本友誼行先,但當「最後走到人了人生的十字路口,彼此各自打拼,不相往還」,中心主旨想帶出「友誼與道義,經歷過青春殘酷物語,變得一文不值?還是越煉越純?」即係擺明Sell熱血嗰隻。曹志豪上一本作品係叫好唔知叫唔叫座嘅《殺手‧無與倫比的自由》,我有由頭撐到落尾架,感覺係好正好正!真心Mode,希望《同伴》都唔好令我失望喇。

資料來源:https://www.facebook.com/photo.php?fbid=10152426095994306&set=a.488660339305.272577.663774305&type=1&theater