主頁, 偶像資訊, 動漫資訊, 潮玩新聞 — 11/05/2014 at 5:00 pm

《亡魂之書》創刊 徐大寶一貫水準

by

12

大渡出書六連環數到落第五本,《亡魂之書》創刊,久違了的港產鬼漫畫,新鮮感有,徐大寶畫風非常啱睇,屬保持到一貫水準之作,不過唔知點解,我都係鍾意佢畫《金瓶梅》多啲。

講到畫女靚嘅港產漫畫家,個人認為劉雲傑數第一,黃水斌尾隨之,林祥焜同徐大寶可以並列第三。《亡魂之書》有三個故事,分別係〈鬼等著你回來〉、〈Bloody Mary〉同〈囚室鬼話──鬼搵你〉,前兩者係全新創作,後者屬鬼古改編,三個故事裡面嘅女角都畫得好靚,亦久唔久加番啲出浴、做愛、愛撫等色情鏡頭,略嫌畫得太點即止,唔夠喉!總體嚟講,成本書好有九十年代靈異鬼書味,我會畀90分。真心話,扣嗰10分,係成本書太薄,內容唔多夠餡,以$35精裝書計,委實貴咗啲。同埋,少少建議,如果徐大寶可以重畫《金瓶梅》之類嘅艷情書,我諗會更加吸引。