fbpx

LED燈當電話打!?

by

 

用光做訊號、進行通話!?唔係講一、二戰時期嗰種啡啡流、摩斯密碼;係先進啲!用LED燈;唔好笑人地先得0架!日本Outstanding Technology發明一種光訊號通話,手機只要喺3.5mm耳機插位,加裝一個光源接收器,就可以進行語音、甚至數據接收,苦茶個人覺得發展潛力好大!

日本仔叫呢項技術做Commulight,用光做訊號好神奇嗎?未必!你咪當嗰盞LED燈,係唔使光纖都可以進行傳輸嘅光束囉!係咪易明啲先?

好喇!講功用喇,比如你去博物館,有無諗過你攞部手機出嚟,唔小心俾展示燈照到,竟然驚喜地有面前展品介紹。

又例如一又長又窄嘅礦洞,由於無線電波傳送會有一定難度,但係佢只要光源照到,就可以作有效傳輸,甚至如果光線夠集束,更可以作指定窄範圍,靜靜雞傳話!

好喇!家居又有乜用呢?嗰間OT就展示咗個喇叭音效傳輸,音色真係幾靚;但呢個世界唔係已經有紅外線喇叭喇咩?係!不過苦茶又諗,如果家中只要換盞燈,就可以作傳輸上網,你話幾方便呢?好難麼?我屋企都用緊「插蘇頭Router」啦,只係將電轉為光,好似幾簡單喎!

 

httpvh://www.youtube.com/watch?v=DpOAbrTGg7s