fbpx
主頁, 潮玩新聞, 玩具資訊 — 18/07/2012 at 7:18 am

食屎啦你! Asmus Toys 1/6 流川楓

by

原諒我咁粗鄙,恕我嬲到火燒心,咁樣影啲相出嚟,唔尊重原作者,唔尊重知識產權之外,仲唔尊重自己呀!你明唔明,流川嘅入樽入面嘅地位,相等於現實中嘅佐敦呀?佐敦呀!尖沙嘴隔籬呀!其實只要稍稍有睇過《男兒當入樽》,見到個咁嘅頭都接受唔到啦,流川楓喎,道友明我就識!但道友又冇咁大隻嗰吓衰嘛!唉,之前隻櫻木都尚叫勉強可以接受,呢隻?我o依家個樣咪同佢背後個櫻木一樣囉!

雖然幾嚿水唔算貴啫,但係……算啦唉,都介紹下基本資料先,12吋1/6比例,配件有三個頭,一個道友頭,一個最見得人嘅Cute版頭,仲送一個……應該係晴子嘅頭雕俾你……喂!你真係唔怕發惡夢咩?