fbpx
主頁, 其他, 影音新聞, 電影 — 17/07/2012 at 11:03 am

16喇叭內置 BOSE環迴立體聲電視

by

 

0依家啲LED TV,一味只識鬥薄鬥幼邊,係!靚0羅!畫質……咸魚青菜啦!只有啱眼,無話最好囉!因為其實大家技術都有返咁上下;最近上日網睇到BOSE有一部55″的,靚玩VideoWave II entertainment system技術,佢將16隻喇叭收入LED TV裏面,仲要自己檢察環境自己設定,OMG!成件事簡單晒!成間屋喇叭線唔見晒,喂!大家出電視簡單啲啦,電視係一家人用0架:「老竇咪搞個Skype,小三你都快啲收線,我個老婆/佢個新抱行緊過嚟!」

VideoWave II entertainment system嚟緊8月17號日本見街,佢最強之處係機身收咗16隻喇叭,單就Woofer部份都有6隻,其餘全部做晒中置、左右聲道;佢使用咗類Sound Bar嘅反射原理,利用家居環境的牆壁做反射,營造出開揚嘅音場效果,所以佢亦好醒目地將成像電子組件,造成了一個類似機頂盒的東東,我知有人會唔鍾意,不過話你知咁係最好嘅分配,否則你一係就要裝Sound Bar,一係你就裝勻咁多隻喇叭,搞到一屋喇叭線。

我知好多人都唔多識Set喇叭,BOSE都應該知道,所以佢仲內置咗一個叫ADAPTiQ

技術,佢會自動因應你個家居環境大細,自己幫你Set埋,咪睇少佢,因為喇叭係以反射作用營造空間感,無咗佢,如果你左邊聲道反射牆係距離1米,右邊係2米,你就知道無咗佢係幾頭痕一件事。

遙控都好鬼寸,只有簡單開關、Vedio In、VOL+/-、Channel +/-呢幾個,有其他Setting嘢,就可以透過機身Touch Pad及確定按鍵,再利用電視畫面嘅UI介面,慢慢同佢玩過。機價46″ 525,000日圓、55″ 630,000日圓,要方便就要花啲錢!

 

 

 

 

 

http://www.bose.co.jp/jp_jp?url=/consumer_audio/videowave/videowave_faq.jsp