主頁, 偶像資訊, 動漫資訊, 潮玩新聞 — 25/04/2014 at 6:10 pm

《自強不息》創刊 傷殘人士做主角

by

aaa

「上天奪去你某些東西,必定賦予你另一種才能,自強不息!」呢個就係《自強不息》嘅中心主旨,打破傳統港漫主角必型英帥靚正嘅框框,鄺彬強用傷殘人士做主角,敢作出新嘗試,確實抵讚。

《自強不息》創刊,隨書附送原稿小冊子,封面主角信天行用類似透明膠貼製,大黃大黑色彩強烈對比,擺喺書報攤好搶眼,內文公仔亦畫得好靚,用色滲少少美漫味。故事方面,講一班傷殘人士如何發揮小宇宙,無懼失聰失明斷手斷腳,透過自身努力改變命運,展開比普通人更璀璨嘅人生。除咗題材,要讚嘅係第一期已交代好基本故事架構,暫時嚟睇係藍目集團vs君子會之爭,不過邊個忠邊個奸尚未有定案,照劇情估唔會係簡單忠奸二分法,好期待鄺彬強點樣扭橋。大渡新書六連環,《自強不息》屬第四本,純個人喜好,最好睇係《一零八》,呢本屬第二好睇,有資格擺入我書櫃,$35抵撐。