主頁, 影音新聞, 電影 — 24/04/2014 at 4:28 pm

有片:批踭扯頭髮兜頭省 攞你命女子足球

by

1

雖然呢條唔係新片,畫質亦有啲鬆郁濛,但我不下翻睇咗五次。睇完先知,原來女人踢波可以狼過男人N倍,男人踢波頂籠出收山腳,女人出嘅卻記記都係奪命腳,嘩,好驚呀。

研究咗好耐,都唔知呢場係乜嘢國家乜嘢級別嘅聯賽,淨係知紅衫一方個個球員都好茅柴,人哋批踭撞雞心咩,回應以一個排雲掌鋤背脊係小事,其他如硬生生從後施展鉸剪腳啦、發爛渣兜巴星啦、爭五五踢連消帶打狂抽對手啦、Mark人扯馬尾扯到對方踢落地啦,齋望都覺得痛,最攞命一擊係趁對方趴落地,喺超近一碼距離刻意省人個頭,嘩,咁近距離,對方又無防備,分分鐘省斷人哋條頸呀。踢場波啫,唔使攞人命吓?