大渡新書六連環，眨眼去到第四本《自強不息》，鐵定4月24日創刊，暫時有封面睇住先，之前喺《大渡畫集》睇過序章，我個人就幾鍾意呢個古仔，希望畫得好啲喇。
新書照舊賣$35，宣傳單張寫明「閃亮封面」，暫時唔知點閃法，但睇封面用黃黑配，撞色撞得幾Sharp醒，估計擺喺書報攤都幾搶眼吓。我唔知其他人點諗，六本新書當中，我個人就最期待《自強不息》，另因為古仔好有別於一般港漫，主角們唔係失聰就失明，唔係斷手就跛腳，用天生殘缺嘅人講古仔，鄺彬強夠膽作新嘗試，我哋作為港漫迷好應該支持，呢$35，如無意外應該抵畀。