主頁 — 04/04/2014 at 5:23 pm

有片:住公屋唔好溝女

by

a

呢條《【公屋潮文】公屋‧居屋‧私樓》短片,簡直係之前Open Video條《深宵小巴》延續篇,點解阿媽咁唔Like自己個女受屋村仔溝,盧苑茵用藐嘴藐舌嘅表情同尖酸刻薄嘅對白話你知。

同一對情侶,James上女朋友Yan屋企食飯見家長,當Yan阿媽知James喺邊,竟變出三種截然不同嘅面口。一,一知James住公屋秀茂坪寶達村,就算早到兼送花旗參,阿媽都即場收番碟雞唔Jame畀食,兼藉口唔舒服返入房訓,最後下逐客令叫James拎埋盒花旗參走,再最後,分埋手;二,一知James住喺有升值潛力高嘅居屋東旭苑,就算遲咗個小到都依然笑逐顏開,不但親手夾件雞胸畀James食,臨埋仲叫佢哋好好計劃未來,一心要將個女嫁畀James咁款;三,一知James住私樓珀麗灣,就算遲大到都蓮子茸咁嘅口面,今次唔只有雞胸,直頭有雞髀食添,飯後當James係親生仔咁款,熱情到無人有……呢條片,相信唔少情侶都好有共鳴,喺香港買樓難,變相連溝女都難呀。