偶像資訊, 影音新聞, 潮玩新聞, 電影 — 24/03/2014 at 11:00 am

有片:軟硬的白日夢 幻想與現實間的鴻溝

by

8p (2)

軟硬呢條短片,無三級都達二級半,有好多令人想入非非嘅畫面,片中兩件索爆OL睇到人心猿意馬,何謂少少鹹多多趣,呢條短片堪稱最佳示範。

話說軟硬Lunch Hour喺Pantry開飯,席間大發黃色白日夢,葛民輝睥住兩個紙杯,居然聯想到OL同事兩條雪白玉腿,繼而迷你裙俾風吹起,純情白色三角布映入眼簾;林曉峰都一樣滿腦子色情,幻想OL擔梯擒高走光、烏低身斟茶露乳溝、胸貼胸逼狹過書櫃。最意識大膽一幕,林曉峰手拍會議室落地玻璃牆,而OL正喺玻璃牆另一邊貼胸抹玻璃,呢個Shot最惹起人性幻想!
故事繼續發展,去到尾軟硬返番去現實,發覺踎低執拾文件嗰個係超級大肥婆、交收文件嗰個係老土四眼妹、抹落地玻璃牆嗰個係中女,而不幸地,近在咫尺同檯食飯嘅,更加係一個老姑婆,當堂乜食慾都無晒。睇完呢條片,我即時望望身邊嗰位疑似雌性同性,非常有共鳴,嗚!