Pentax, 主頁, 相機新聞 — 11/07/2012 at 9:02 am

K-01二刀流 熱靴生個瘤

by

 

宮本武藏係日本仔嘅武聖!估唔到玩相機嘅都有人崇拜佢,玩二鏡流DIY,今次慘被移植毒瘤嘅相機係Pentax K-01,你睇佢頭頂嗰粒大孖瘡……不過佢機身咁大,好似食得起喎,咁我改口叫暗瘡囉!

K-01!老實,真係一部好機,雖然佢機身大似磚頭,唔係講笑,唔信你行街時,見到塊磚砌地,掹嚿出嚟對吓,真係邊個大過邊個,都係未知數,不過佢支定焦餅鏡,真係利到(界刂)手,再加埋顏色相當標吓,好多話名牌入門機,甚至中下階機都唔夠佢幾千蚊成套揮!

好!再講返佢粒暗瘡,其實原本日本DIY玩家只係想轉Ricoh舊鏡,不過佢又忽發奇想,喺個轉Mount底,再加多塊有熱靴設計嘅膠片,咁就可以放多支預備鏡,喺個熱靴度,可能你會話苦茶叫佢毒瘡無口得,OK!咁叫佢火車囉!

 

亞加力膠片熱靴位,竟然用螺絲收上轉Mount,好大手筆!

 

俾我就用N Mount或C Mount做底,加多個轉Mount,就乜鏡都放得上去。