fbpx
Mobile games, 主頁, 手機/電腦 — 12/07/2012 at 12:00 pm

手機新Game:低能遊戲得啖笑

by

唔係歧視,實情係十個iPhone遊戲有九個半都係用英文,呢次居然彈出中文字,實在教我大吃一驚,細心讀一讀,嘩,叫「外星人太空船任務」喎,水蛇春咁長,連食字都懶,仲有無Old school啲呀?就係呢個原因,令我反而覺得有趣,好,反正FOC,一於下載睇睇有乜料。

乜料?笑料o羅!兩個字講晒──低能兼老土!老土仲推介畀人?No啦,拎出笑吓都好嘛。玩法如下,你要帶領一個樣衰到震嘅疑似人類物體攞火箭,依著上面一排指示燈號作出前或後或跳三個動作,一做錯,就會俾上面壓落黎嘅大碌柱責死,又或俾激光射死,完全係零難度之作。玩,就真係唔多好玩架嘞,煲煙時間開出黎同班Friend笑吓,有啖笑咁囉。

iPhone下載:http://itunes.apple.com/hk/app/wai-xing-ren-tai-kong-chuan/id537926666?l=zh&mt=8&ls=1

 

遊戲名「外星人太空船任務」,睇唔到邊忽有外星人。

 

俾大碌柱責死,即時變成一灘綠色血漿,莫非佢就係外星人?