主頁, 影音新聞, 電影 — 05/03/2014 at 4:43 pm

新片速報:《白髮魔女傳之明月天國3D》 白髮冰冰繼續索

by

1

明白乜嘢叫珠玉在前,亦明白二十前《白髮魔女傳》裡面嘅林青霞無可代替,但我覺得《白髮魔女傳之明月天國3D》裡面嘅范冰冰更青出於藍,眉宇間自有一份出塵氣質,一頭白髮,仲索!

改編自梁羽生小說《白髮魔女傳》,故事滾瓜爛熟,話說明朝末年,朝政腐敗民不聊生,在野,有匪號「玉羅剎」嘅練霓裳(范冰冰飾)為救災民,殺害官兵成為通緝犯;在朝,新任武當掌門卓一航(黃曉明飾)赴京進貢紅丸卻遭陷害,皇帝啪完丸上西天,錦衣衛誓要捉拿欽犯。機緣巧合,練霓裳同卓一航不打不相識,歷共生死下漸生情愫。未幾,朝廷派兵攻打明月寨,混戰間卓一航得知愛人竟是殺害親生爺爺嘅兇手,情義兩難下遠走明月塞,傷心放縱嘅佢最後娶奸臣之女自甘墮落,嬲到練霓裳大鬧新房,一夜白頭變成白髮魔女。
純粹個人觀點,范冰冰個樣比林青霞更適合拍古裝戲,可能兩套戲相差廿年,拍攝技術同妝容都有進步,硬係覺得范冰冰把白髮白得嚟更自然更有古典美,無林青霞咁硬崩崩,唔知大家又點睇?(4月24日上映)

劇照──

5

 

4

 

3

 

2