主頁, 動漫資訊, 潮玩新聞 — 04/03/2014 at 10:00 am

《漫畫家的記事畫集》 封面畫乜由你定

by

a

梁偉家本《漫畫家的記事畫集》手繪封面版,有好壞新消息各一,你想聽邊個先?好消息係畫集現已接受公開預訂,封面仲由你定添,本本保證獨一無二;壞消息係只得35本,喂,家家,好似少咗啲喎。

報咗最重要嘅資料先──《漫畫家的記事畫集》手繪封面版每本售$800,包珍珠名信片五張同精美膠卡兩張,名額35個,有心捧場可以喺面畫專頁聯絡家家,存錢入佢銀行戶口落訂兼保留收據,大家講個信字,家家一完成作品,自會聯絡大家拎畫集。而所謂嘅「手繪封面」,係讀者可以要求家家畫指定封面,內容包括家家畫過嘅漫畫人物同兵器,作品包括《銀霹靂》、《冒險王》、《醉拳》、《如來神掌》、《俠骨神鑑95之雷天傳奇》、《天地神鑑》、《相俠傳奇》、《水滸傳》、《倚天屠龍記》、《英雄無淚》、《天殛》、《雪山飛狐》、《天殛閻王》、《黑豹列傳》、《沈勝衣傳奇》同《滅絕遊戲》,越早落訂畀錢,越早有貨交,家家保證2014年內一定可以將作品送到閣下手中。暫時知道已經有12位讀者落訂,都係嗰句,有買趁手嘞。

資料來源:https://www.facebook.com/leungwaika