主頁, 動漫資訊, 潮玩新聞 — 01/03/2014 at 5:38 pm

瓊天又唔使死 肥良接手《新著中華英雄》

by

2 (2)1 (2)

3 (2)
講狠,始終係牛佬夠狠,《古惑仔》福田一役夠膽整死八大角色;鄺彬強本《新著中華英雄》呢,第一輯剛剛完結,結局一如所料,瓊天又係唔使死,期望由肥良揸旗嘅第二輯,會有更精彩故事啦。

第一輯《新著中華英雄》剛剛收皮,就喺華英雄一招「無量直搗」差不多KO瓊天之際,余不為飛身替瓊天捱呢雷霆一擊,就係呢下「以愛止殺」感動到女魔頭,最後瓊天重新認父,決定同余不為隱世不出,朝夕相對,同生共死。問我的話,呢個結局叫做無爛尾咁喇,略嫌去得唔敢盡,我一心睇華英雄點樣喊住打死親生女架嘛,家陣又係玩改邪歸正歸隱田園呢招,即係唔排除他日無橋會重新搵瓊天擔戲囉,個人認為,呢個始終係港漫死穴──主角永遠唔死。
另外有單好消息,新一輯《新著中華英雄》鐵定由肥良主編,係,正正係肥良,當大家以為佢已經同海洋消失江湖,卻原來已經同大渡連成一氣。佢編《新著中華英雄》,我有少少期待架,唔好出現類似「英雄,你給我敗吧!」、「劍雄,我幹你媽的十萬九千次不未夠的呀。」之類太重《海虎》味嘅對白就得嘞;仲有,有樣嘢想講嘅係,點解鬼僕嘅人物設定,咁鬼SM Feel嘅?

 

4 (2)