主頁, 動漫資訊, 潮玩新聞, 玩具資訊 — 06/07/2012 at 9:37 pm

全高6米 月中現身 站在大陸上的高達

by

唓!高達一早出現喺大陸啦,日本冇出過嘅模型,有!出過嘅,又會改良再減低成本再出!1比1高達呢?唔知大家有冇睇過新聞,之前有個山寨版,冇白色咁寡,黃色o架!不過今次要講呢個,係攞正牌嘅!叫「RX-78-2 Gundam China Special」,會喺萬代廣州將於上海舉辦嘅「第8屆中國國際動漫遊戲博覽會」內展出,仲有限量模型出,仲由中國漫畫家集團擔任色彩設計!同陳浩南一樣,有條龍喺身o架!咦?中國漫畫家……哦!我記得喇!之前有本中國隊長吖嘛!

萬代廣州宣佈將於7月12日至16日喺中國上海舉辦嘅大型動漫活動「第8屆中國國際動漫遊戲博覽會」中,將會展出全高約6米的高達立像。今次由廣州天聞角川動漫有限公司發行嘅月刊漫畫雜誌「天漫」,裏頭負責「中國版・機動戰士高達UC」連載嘅工作室「北京顏開文化發展有限公司」擔任外觀色彩設計。

而為慶祝「RX-78-2 Gundam China Special」展出,更將會喺淘寶網嘅萬代官方網上商店『萬代官方旗艦店』內,發售同款設計嘅中國限定高達模型「MG 1/100 RX-78-2高達 Ver.2.0 China Special Ver.」(售價420人民幣)。預計於7月12日起正式開始接受預訂……喂!快啲落OK買點數卡喇!咪住,預計之後BANDAI NAMCO集團主辦嘅中國地區活動中,都會公開發售。

最後,萬代廣州也將於「第8屆中國國際動漫遊戲博覽會」舉辦高達模型大型活動『GUNPLA EXPO上海』,並預定進行高達模型世界—決定戰『GUNPLA BUILDERS WORLD CUP 2012』中國區預賽。本賽事自5月起喺世界各地展開一連串預賽選拔。

資料來源
http://hk.gundam.info/topic/7759