主頁, 偶像資訊, 潮玩新聞 — 23/02/2014 at 11:00 am

OMG!創造館 x Miss Hunny出寫真 單手揭書!?

by

4

點解呀?真心想問創造館阿頭余兒一句:「何苦要同Miss Hunny拉上關係?」我認係有少少偏激架嘞,《婚姻這種邪教》幾好睇吖,《拍子會》雖然未買但我打算撐喎,好哋哋出小說咪好囉,何苦要陪司徒夾帶癲埋一份?

利申,我從來都唔多Like司徒夾帶,拍片九唔搭八,睇完一滴都笑唔出;再利申,我本來唔討厭Miss Hunny,雖然佢幫「波波池」拍短片,俾大埔LuLu班Fans彈到一文不值,但真心講句佢都幾靚女吖。可惜,佢今次出寫真《女魔法師Miss Hunny》,我對佢完全改觀嘞,博出位都唔使出賣肉體吖,唔好同我講只係甚麼唯美相集呀、青春印記呀,呢本寫真係司徒夾帶斥資出版嘅,根本就係J書,宣傳海報除咗有咬唇伸舌頭同露波罅相,仲有「發育時期最佳偶像,陪你單手揭書」等宣傳字句,點解要「單手」,畫公仔唔使畫出腸,男人老狗一定明,3月「低調上市」喎,價錢未知,真係好低調嘅啫?

資料來源:https://www.facebook.com/CreationCabin