fbpx
動漫資訊, 潮玩新聞 — 04/07/2012 at 2:00 pm

十強巨型水晶畫板,接受訂購!

by

馮志明畫風,一個字講晒──霸!要有霸氣,要畫得霸氣,線條就一定要簡單,太精雕細琢太五顏六色,感覺就會變得娘娘腔,所以尤其鍾意佢自創嘅沙筆畫法,既有國畫虛空留白嘅精髓,人物造型面相又不失港漫特色。呢種畫風,有人受有人唔受,如果你同我一樣都係前者,咁「十強巨型水晶畫板」絕對值得掏腰包撐場。

何謂十強,老馮筆下最強十個角色是也,刀劍笑正路榜上有名,我仲認得有飛驚同霸刀,不過好可惜,我最鍾意嘅低首梟雄無影。最新消息,網上訂購版依家公開接受訂購,面積51吋乘19吋,附送水晶證書一張,每張鐵價不二$1,000。老實,價錢我唔覺得貴,一千幾百,買場曼聯都喺度啦,支持偶像,呢個價絕對係有限數,畀得心安理得。問題係,四呎幾乘接近兩呎,屋企又唔係大,唔知擺邊度好啫。

如欲訂購,可──

1.直接到123漫畫專門店(3487 5611)

地址:北角英皇道英皇栢麗大道購物中心地下35號舖

2.電郵至[email protected]確認訂購

十強巨型水晶畫板$1,000