fbpx

塗層鋰電池 薄到只係一層油

by

 

對於電池嘅認知!細個大大粒嘅大電,大啲時見到Ericsson嘅T28香口膠鋰電,真係感覺驚為天人,日本嗰邊好似研究緊用水做電池,已經進入成品階段,不過最近睇Scientific Reports,竟然可以將顏料塗層,做成鋰電!雖然仲係研究中,未知推出日期,但估計影響會好深遠!

顏料塗層做成鋰電池,起衫聽落好不可思議!鋰電池原理我唔多理解,據該網站講,佢係由多種不同物料,合成而成;至於塗層鋰電,就係以一層又一層嘅相類物料,做成鋰電池原料合成嘅環境,達致蓄電功用!

據該網站講,大學研究人員曾經在9塊浴室瓷磚做測試,將佢哋合拼起嚟,竟然可以提供2.4V電、兼連續供電6小時,而且反覆叉電60次後,電池嘅蓄電能力仍高据98%!

好!應該講吓佢對大家未來嘅影響喇!有冇想過,未來手機可能內置電池,原來竟然係機殼嘅顏料(咁以後唔好去先達隨便換殼了!),冇咗粒所謂香口膠電,9.Xmm厚度,再唔會係手機嘅厚度極限;研究人員仲話,佢哋想同太陽能板做合成,太陽能發電板下塗點油,就成為一粒太陽能電池,你話如果真係俾佢煉成咗,使用上會幾方便呢!再講,現時嘅OLED正朝住可屈曲方向做成電子書同手機,如果配合塗層鋰電池,由於佢可以塗在彈性薄膜玻璃、不銹鋼等不同物料上,相信由佢做出嘅電子書,可以更富彈性!再講電動汽車或手機,將來換電,可能只係噴過個車殼或手機殼,甚至你覺得電量唔夠,噴多幾層就可以加大容量!希望在苦茶有生之年見到,唔好成為一種空想科學!

 

http://www.nature.com/srep/2012/120628/srep00481/full/srep00481.html