fbpx
Online Game, PS3, Xbox360, 主頁, 影音新聞, 遊戲新聞, 電影 — 30/06/2012 at 2:29 pm

《轟天猛將2》4人合作 今夏登場

by

Man到爆,堪稱係男人漫浪嘅極致,《轟天猛將(The Expendables)》續集電影將會喺暑假檔期於香港上映,同期仲會有PS3/Xbox360/PC動作遊戲推出!遊戲可以4人合作,無論你想做史泰龍、李連杰都得,唔係FPS,玩法仲係簡單易上手嗰隻!

Ubisoft宣佈將會為電影《轟天猛將2》帶來同名改編遊戲《The Expendables 2》,續集電影由Lionsgate同Millennium Films兩大電影公司合作打造。而呢隻終極僱傭兵射擊遊戲將會喺今年夏天登上PSN、Xbox LIVE Arcade同PC平台。

《The Expendables 2》遊戲版為玩家帶來了世上最具傳奇色彩嘅僱傭兵陣容,透過指揮官Barney Ross(史泰龍飾演)、狙擊手Gunner Jensen(度夫龍格爾飾演)、武器專家Hale Caesar(Terry Crews飾演)、武術家Yin Yang(李連杰飾演),彙聚多位動作片巨星,喂?冇阿諾舒華生力加同布斯韋利士呀?

遊戲版本故事講玩家要共同協力前往拯救一名遭到綁架嘅高價值目標。呢單原本只係一樁單純生意,直到一切全都失去控制、一連串觸發嘅爆破性場面從未停歇,緊湊嘅動作情節更將接續電影開端,玩家將可透過線上或本機進行 4人合作體驗,感受電影般嘅動作場面、近距離駁火或操控各式載具,喺具有異國風味嘅區域展開行動,包含了索馬利亞沙漠、緬甸叢林及更多場景;玩家亦可透過多個挑戰任務來在排行榜上一較高下。

《轟天猛將2》電影英文官方網站:
http://theexpendables2film.com/

關於《轟天猛將2》
Barney Ross (史泰龍飾演) 領軍,集合熱血型男 Lee Christmas (積遜史特咸飾演),武術精英Yin Yang (李連杰飾演),大隻佬 Gunnar Jensen (度夫龍格爾飾演),Toll Road (蘭迪寇圖爾飾演),武器專家 Hale Caesar(Terry Crews飾演)等,另外新加入Billy (Liam Hemsworth 飾演) 及Maggie (內地演員余男飾演) 兩位年青人。影片講述Mr. Church (布斯韋利士飾演) 召集僱傭兵菁英執行項極簡單嘅任務,但其中一員被殺害,轟天猛將發誓要為兄弟復並且摧毀敵人嘅陰謀計劃

《轟天猛將2》電影曾喺2010年暑假上映時創下了全球2.7億元票房佳績,續集《轟天猛將2》由史泰龍、積遜史特咸、李連杰、度夫龍格爾,Terry Crews,蘭迪寇圖爾(Randy Couture)、布斯偉利士同阿諾舒華辛力加等紅極一時動作巨星領銜演出,並加入Liam Hemsworth、Scott Adkins、武術傳奇查克羅禮士 (Chuck Norris) 、尚格雲頓,及中國女演員余男 (Yu Nan) 於《轟天猛將2》登場。《空中監獄》導演Simon West接手執導、再次集結了號稱史上最夢幻嘅動作卡司陣容,將於今年暑假喺香港上映。