fbpx
主頁, 動漫資訊, 潮玩新聞 — 30/06/2012 at 12:00 pm

那些年的咸球,再現《石黑龍傳》!

by

有番咁上下睇港漫年資嘅漫畫迷,應該唔會對咸球陌生,佢手畫,哈,點講好呢?講得白啲啦,靚就無佢份架嘞,但勝在笑爆嘴,擺明Sell橋唔Sell畫功,堪稱畫壇一大奇葩。唔信?Recall一下你個腦,數歷代最受歡迎漫畫主筆,咸球喺你心目中一定佔一席位。

天大喜訊,咸球喺第三期《石黑龍傳》霸到個地盤,再次推出最拿手嘅四格漫畫。一睇,Wow!感覺係多麼的那些年,直頭有種Warm到入心嘅感動,令我回想起廿年前睇漫畫嘅開心日子。三個四格漫畫當中,以〈殺蟲水妙用〉最搞笑,話石黑龍問棍妖借殺蟲水,一噴,噴走面上條疤痕,抵死幽默。無吹水,我真係笑得出,咸球,你係好嘢!

咸球四格「小小笑畫」。第三期《石黑龍傳》$15