動漫資訊, 潮玩新聞 — 22/06/2012 at 2:00 pm

完全版《群俠傳》卷十一出版!

by

望穿秋水,完全版《群俠傳》卷十一擒日終於出版,係,你可以話我誇張兼賣廣告,但人在做,天在看,我真係好鬼期待劇情發展,淨係睇權力幫之主李沉舟嘅「翻天三十六路‧奇」,初頭點樣不敵黑水道大龍頭朱順水嘅「滄溟長江訣」已經夠過癮,發展到後來堂堂兩個武學大宗師,居然演變成流氓式互相毆鬥,你一拳我一腳,你一巴我一掌,你頂頭槌我扯頭髮,最後全因李沉舟捱打能力較強,先得以反敗為勝。呢幕戲真係出人意表,原來古裝武鬥場面,唔使下下都畫到又隔空氣勁又刀刀劍劍,整番Part爛仔交,一樣咁好睇。

同卷送溫瑞安《群俠傳》人物Postcard一張,人物係一個疑似出緊龜波氣功嘅李沉舟,畫得幾靚,絕對值得珍藏,我自己就好Buy嘞。

完全版《群俠傳》卷十一$48

 

溫瑞安《群俠傳》人物Postcard