fbpx
主頁, 硬件資訊, 電腦新聞 — 19/06/2012 at 9:02 am

MR頭盔 動感3D X實景

by

Canon HM-A1

仲記得當年戲院睇《侏羅紀公園》,第一次睇見成條長頸龍活現螢幕,嗰一刻對電腦技術嘅感動……唔明?你應該係八、九十後了,未有《侏》之前,呢類嘢唔係人扮就係泥膠公仔做0架!再一次嘅感動又來了,佢係Canon HM-A1,呢項叫「MR技術」,佢係一種擴張實景技術,最強之處係可以同現實環境融合一齊之餘,仲可以有互動!嚟緊七月底日本推出,大家唔使等好耐!

就看網上Demo,呢件產品好鬼企業導向;例如新車發報會,只要與會者戴上「HM-A1頭戴式顯示器」,佢哋就會見到一架三維真車活現佢哋面前,睇相你只見佢一撻撻顏色塊,但呢個只係3D繪圖及貼圖是否夠精細嘅問題;而且不論你個頭點轉,又或者你走向唔同位置,佢都會好似真車放在現場一樣,提佢有不同角度的視點;不過最精彩之處係佢手上個紅色波波,可以同虛擬汽車有實時換動功能,你想打開車門,以至拆開佢庫唧都無問題!

好!苦茶想的是將呢套系統,如果發展在娛樂場所!例如……War Game場,擴張實景打喪屍或者追龍,可以有幾過癮!Sorry!你以為佢係一碌木咁企喺度?佢仲有段博物館使用介紹片段,可以將一大群魚,快速游走於走廊及門與門之間,連小小追龍,都可由博物館石架,跳落地板之上!唔知點解我忽然會想起《GANTZ》,我第一個想見到嘅係蔥星人同佢個仔,一定要狠打佢一鑊,另一個係麗香,一樣都想狠打佢一鑊,正!

 

就算在前後左右,不同角度,都可以見到3D實車。

 

就係靠呢個紅波波,就可以同虛擬影像作互動。

 

網址:http://www.canon-its.co.jp/mr/