主頁, 影音新聞, 電影 — 04/12/2013 at 6:32 pm

有片:六小福成名之路,《The Class Of ’92》!

by

b

曼聯六小福,依家仲喺英格蘭超級聯賽上陣嘅,就只淨番傑斯佬一個。睇番依家成日累我輸錢嘅朗尼、香川真司、雲佩斯同甚麼華倫西亞,論星味論球技都完全係兩個檔次。一個時代的終結咯,無計!

失望的紅魔鬼迷們,如果想懷緬曼聯光輝歲月,推介你哋睇紀錄片《The Class Of ’92》,內容講史高斯、傑斯、加利仔、菲臘仔、畢特同碧咸呢「Six working class boys」點樣「became superstars」,成名之路漫漫長,聯賽碧咸半場笠死溫布頓門將蘇利雲、足總盃四強加時下半場傑斯一扭四舞龍式黃金入球、1999年歐聯決賽奇蹟反勝拜仁成就三冠王功業,幕幕經典都有收錄。呢套紀錄片喺英國剛剛正式上映,可惜嘅係唔知香港有無機會上畫。點都好喇,今晚曼聯主場對只曾一敗嘅愛華頓,睇完呢條Trailer,忽然間我覺得好有信心,決定買大──五條草撐曼聯,讓半一就讓半一喇,朗尼,千其唔好令我失望呀。

 

a