主頁, 動漫資訊, 潮玩新聞 — 29/11/2013 at 11:00 am

新片速報:九把刀賣花讚花香,《殺手》出視頻宣傳!

by

bbb

九把刀原著、曹志豪主編、余兒監製嘅漫畫《殺手》,今日創刊見街,晨早起身返工,執筆嘅當下書未到手,但有條《殺手漫畫版視頻》先睹為快。

睇嚟余兒同曹志豪喺畫壇都幾好人緣,不但《封神紀III》、《九龍城寨2》、《新著四大名捕》同《鐵將縱橫》等幫手買廣告,連彭浩翔導演都喺短片裡面講番兩句恭賀說話,《殺手‧無與倫比的自由》原著作者九把刀,就梗係賣花讚花香添啦。短片透過主角獨白:「無血無淚,不情不義,別永遠低估我的絕望,死神殺過我一次,在牠重新想起我之前,我將擁有無與倫比的自由,當代殺手最強三大傳說之一……」嚟介紹「殺手是怎樣煉成的」,幾幅公仔加幾句對白,又拍到幾吸引喎,即係咁,漫畫版《殺手》收工就必買架嘞,問題係買完漫畫去唔去書局走番轉,買番本原著小說睇睇。

ccc