fbpx
主頁, 影音新聞, 電影 — 22/11/2013 at 3:00 pm

有片:搵食艱難,廚師老兼雜耍玩刀!

by

6

食鐵板燒,廚師頂多喺你面前懶勁咁轉兩下刀,呢位疑似印度廚師就犀非利得多囉,整薄罉表演埋極速拋刀,直頭當把刀係雙截棍咁舞,睇到我O晒嘴。

做廚師啫,搞到要玩埋雜耍,果真搵食艱難。短片所見,呢位疑似印度廚師肥屍大隻,估唔到身手又會咁好,初頭用鐵叉將食材放上餅皮,已經快到以為播緊快鏡,跟首拎班老牛出嚟喪舞,左手拋右手接,右手拋又用番左手接,把老牛喺空中轉呀轉,佢又可以次次都捉得番實刀柄呢下先至最勁。不過點勁都好啦,俾著我就會即刻彈離三呎,嘩,一個唔好彩佢失手,到時成班老牛飛埋身,唔見血就有鬼咯。