fbpx
主頁, 硬件資訊, 電腦新聞 — 11/06/2012 at 5:49 pm

玩嘢Desktop 曉行曉走火車頭

by

Lian Li PC-CK101

玩機嘅!Desktop仍然係王道,無嘅!任換任砌任搞;香港買機箱千篇一律,乜都講性價比、功能強,最近台灣見到幾個搞鬼機箱,扮火車、扮散熱片、扮雪櫃!我最愛雪櫃,放到尉遲一最愛嘅可樂3大罐,頂到半日喎!

真火車頭PC

聯力呢部PC-CK101真係相當玩味!火牛放火車頭,Mini-ITX主機板等就放客卡,做到熱力分隔作用。或者你會話,咁大部都只係用細板好似幾傻吓,不過重點係,你同一時間要出兩部火車,因為當佢獨立使用時,佢係一部玩具蒸氣火車頭,煙囪放出嚟嘅煙,仲有「放濕器」作用,雖然香港呢期又濕又熱,不過到冬天應咳幾有用。

隻牛放喺車頭,仲要有個網紋鬼面罩,俾你昅昅裏面。

老實!主機箱真係幾緊密吓,驚散熱唔好,咁要加路軌喇,開車前後碌,有風撞入去會好啲!^^

伸條脷俾醫生睇吓,啊……啊……!

想睇佢火車頭變型,(才禁)入去啦!

httpvh://www.youtube.com/watch?v=MHgZKR_VmEU

 

 

可樂X3 小門雪櫃

睇見IN WIN EG呢個Look,真係痴痴呆呆,Dual Tone深淺藍,哎!如果你將佢已為紅金,加埋佢嘅Pattern,你話幾Ironman呢?真係捉到鹿都唔識脫角!

不過講到全機重點,係當你按下IN WIN個Logo,佢會上下打開,收藏了一個雪櫃,佢就放到三罐可樂;如果以返一般USB供電雪櫃經驗,大概兩個半鐘可以雪得幾凍,買佢嘅人一定幾宅吓,不過對於讀書住宿舍一族,應該都幾Buy吓!

七月出貨,價錢未定。希望到時會加推紅黑版!點解?紅黑呀紅紅黑……就係咁簡單!

IN WIN EG

有極厚軟膠封邊,好似有啲誠意,相信除mini Size可樂,正常罐裝都無問題。

 

 

Heat Sink無扇機箱

台灣IN WIN呢部H-FRAME,設計抽像得嚟又好簡單,由十塊鋁片做成機箱,如果唔上兩邊封板,佢就會好似Heat Sink一樣,中間偷晒位俾你散熱,所以廠方都好寸咁,完全無加散熱扇;由於係鋁片結構關係,相信如果想改色,應該無乜難度!估計都於近月內推出。

IN WIN H-FRAME

一塊塊鋁板只係用鐵枝串起,所以真係好通風。

 

原件就係咁簡單。