fbpx
主頁, 影音新聞, 電影 — 12/11/2013 at 2:00 pm

有片:再抽十四巴港女水 觀音摑甩頭

by

6p

睇喪Do男啲短片笑唔笑得出,見仁見智啦,但佢啲短片多數食正話題兼有靚女助陣,今次《潮文先黎麻之娘娘打爆3等兵》都唔例外,仲可以一次睇晒三個靚靚o靚模添,總算值得一睇嘅。

成條短片明抽十四巴港女水,不過胡鬧得黎都有值得反思嘅地方,講得啱架,世界好現實,竹門應該對番竹門,木門亦好應該對番木門。片中觀音娘娘Chrissie(周秀娜)講得極中肯──觀音兵分三個等級,靚仔如林峯屬一等兵,唔靚仔但有錢如陳振聰屬二等兵,錢又無樣又衰屬三等兵,自問只得三等兵材料,就唔該唔好奢望溝到靚女,否則只為淪為Hidy(余曉彤)同DaDa(盧頌之)呢等靚女嘅糟質對象。記住,做三等兵注定要食豬扒,無得唔忿氣,勉強而為之,只會俾人喪摑到頭都甩埋,咁樣曲線宣傳三個o靚模主演嘅電影《爆3俏嬌娃》,喪Do男都算扭盡六壬咯。