Sorry，我唔認為「忍者酷跑」主角造型似忍者，反而覺得佢有啲似米芝蓮，肥肥矮矮手腳一截截，不過又咪睇佢蠢蠢鈍鈍咁喎，阿忍者不知跑得幾咁快，雖然只得向上跳、向前跑同向下跣三個旨令，但真係快到有啲唔受控，幾難玩吓。
畫面方面，一句講晒不過不失，障礙物有長木條、泥漿池、荊棘、斷橋、墓碑等等等等，略嫌有啲陷阱Set得唔多明顯，硬係要中過招先知佢哋嘅存在。仲有，理論上呢個遊戲係無休止嘅，一日唔Game over，阿忍者都會繼續向前跑，都係鬥跑得遠鬥高分嗰類Game啦，唔特別好玩，但又唔抗拒嗰隻。
iPhone下載：http://itunes.apple.com/hk/app/ren-zhe-ku-pao/id530384421?l=zh&mt=8&ls=1
留意路標指示，說明你跑咗幾遠。