呢劑真係玩Game學英文，遊戲名字「Underpants Raccoon」，「Raccoon」解浣熊，等我仲以為遊戲主角係我們偉大的祖國國寶添，
「Underpants」解底褲，拼埋一齊即係……偷底褲的浣熊？不過造型又勁似忍者喎，究竟想點？諗唔通，不過唔理，只要個Game好玩就得嘞。
傳統橫向式遊戲，你要控制浣熊跳，無錯，真係得個跳字，跳過樹木、尖釘、佛象等等障礙物，跳唔過即死。跳嗰陣，要預計高度同落點，因為障礙物排得好緊貼，好多時要你攞準位連跳。頭十關近乎弱智，之後難度逐級跳升，你要借助各種工具闖過，工具包括延長時間嘅漏斗、清除障礙物嘅炸彈、幫你跳得高啲嘅飛毯等等等等。我覺得幾好玩，因為真係幾考反應，手指不協調者，咪玩。
iPhone下載：http://itunes.apple.com/hk/app/underpants-raccoon/id528552097?l=zh&mt=8&ls=1
左向右行，要小心跳過障礙物。
上面有工具列，善用工具過關啦。