主頁, 動漫資訊, 潮玩新聞 — 25/10/2013 at 4:50 pm

《新著四大名捕》創刊 戴立體眼鏡睇3D封面

by
《四大名捕》3D封面特別版,$20。
《四大名捕》3D封面特別版,$20。

係,我知,《新著四大名捕》擒日已經創刊,但無計,我貪新鮮,係都要等特別版先至買。特別版有乜特別?戴住隨書附送嘅立體眼鏡,就可以睇到封面有幾3D囉。

係,我認,身處茶餐廳嘅我確實有啲Kind,一戴起副疑似燒畀祖先嘅立體眼鏡,即惹來周遭食客嘅斜視。係,係斜視,雖則仲未到歧視嘅程度,但我奉勸各位,唔想Kind的話,呢副立體眼鏡都係留番屋企慢慢享用啦。咁究竟有幾3D效果呢?都OK架,封面無情同冷血好似飛咗出嚟咁,加埋個浮起嘅書名,整體都幾有氣勢。講番內文,司徒劍僑一貫水準,畫功唔使擔心,用四分三篇幅介紹四大名捕出場,突顯到人物性格,當中以冷血著墨最多,啱嘅,四師兄弟裡面,以冷血出身最悽慘,一出世就冚家剷,俾驚怖大將軍門滅門。要評分,我畀90分,因為《新著四大名捕》非常忠於原著,扣嗰十分,係因為格數太疏,唔夠抵睇,揭兩揭就睇完,希望下期襟睇啲啦。

強烈建議喺屋企先好戴呢副立體眼鏡,因為感覺實在好Kind。
強烈建議喺屋企先好戴呢副立體眼鏡,因為感覺實在好Kind。