周邊產品

【有片】貓奴冬天要買 日本保暖手套支援手機觸碰
by / on 18/10/2017 at 7:28 am

【有片】貓奴冬天要買 日本保暖手套支援手機觸碰

冬天係時候買返對暖手套,專出貓產品嘅日本網站Felissimo最近有呢款喵手套,三款貓樣任揀,最正係手指公位可以感應手機屏幕觸碰,戴住都可以繼續玩電話,仲可以邊望住隻貓邊玩。而家網站有得買,3980円,買嚟送俾貓奴朋友啱晒。

Read more ›

日本超可愛動物手機配件   保護叉電線咬實唔放
by / on 28/09/2017 at 7:55 am

日本超可愛動物手機配件 保護叉電線咬實唔放

雖然呢個產品都見咗一排,不過可愛又實用,日本Twitter又見到有網民推啦!iPhone條叉電線屈多幾次好易斷,有日本網民喺Loft用500円買咗呢個叫「Cable Bite」嘅產品,隻動物咬住條線無咁易斷之外,最重要係超可愛!用咗佢叉電嘅時候,隻鱷魚就會好似咬住部iPhone咁,除咗鱷魚仲有貓、狗、北極熊、老虎等等總共12種動物,有網民喺Amazon都搵到,入嚟有link。

Read more ›
返工返學必備 日本春華堂電話殼暗藏零食
by / on 23/08/2017 at 3:29 pm

返工返學必備 日本春華堂電話殼暗藏零食

有冇食過春華堂呢隻「うなぎパイ」,有啲似啲千層酥,係好味嘅。嚟緊佢就會推出呢個數量限定iPhone7專用電話殼,3000円,除咗可以放錢之餘,最正係可以放兩包零食入去!隨時都食可以食真係好方便。

Read more ›
日本「先人AR悼念服務」 自選紀念性地點
by / on 21/08/2017 at 7:02 am

日本「先人AR悼念服務」 自選紀念性地點

日本人嘅創意可以去到咩程度?日本最近有公司研發出「先人AR悼念服務」,由墓碑雕刻公司「株式会社 良心石材」研發,用家可以幫已離世嘅親友自選地點,然後喺APP入面會見返佢哋嘅相或者片,用家可以揀選一啲有紀念性嘅地方,而APP入面嘅已故親人仲會留言俾用家。呢個服務每個月收費500円,包埋最多15年儲存骨灰服務,首年免費。

Read more ›
【有片】正式開賣 電話變GameBoy 「SmartBoy」背後可插帶
by / on 13/08/2017 at 3:58 pm

【有片】正式開賣 電話變GameBoy 「SmartBoy」背後可插帶

之前一早公佈咗,不過呢啲概念嘢出唔出到都係未知之數。啱啱官方Hyperkin開始收訂喇,而且仲話12月可以出到貨!名為SmartBoy,只要用Android電話嘅底部micro USB接駁,就可以用電話玩GameBoy、GameBoy Colour嘅盒帶,最重要係有十字掣同實體鍵,拎上手應該搵得番GameBoy個感覺,係冇咁重囉。價錢方面,$59.99美元。

Read more ›
拎出街太有型!《真‧哥斯拉》「蒲田くん」出電話套
by / on 29/07/2017 at 2:14 pm

拎出街太有型!《真‧哥斯拉》「蒲田くん」出電話套

o依家啲電話部部一樣樣,咁點樣突出自己呢?呢個《真‧哥斯拉》電話套幫到你。以「ゴジラ」第2形態「蒲田くん」為造型,有防水功能,而且仲係可愛版造型!賣2,800円,官網有得賣,10月出貨。如果嫌太可愛,仲有忠於原著嘅版本。

Read more ›

日本Mario iPhone殼 8-Bit大叔超有型
by / on 26/07/2017 at 9:24 pm

日本Mario iPhone殼 8-Bit大叔超有型

任天堂冇出電話,不過日本就有呢系列Super Mario Bros.電話殼,全7種類,當中最正梗係大大隻大叔變成部電話,仲有Game Over我都好想要,不過又係暫時得iPhone7版本……各4,082円。另外亦都有電話背個圈賣,各1,706円。

Read more ›
日本新出電話袋 掃電話 = 掃柴仔個肚
by / on 08/06/2017 at 8:03 pm

日本新出電話袋 掃電話 = 掃柴仔個肚

嘩好得意呀,如果你係柴犬fans,呢個電話袋唔自己用都要買俾身邊女仔用啦!3個表情嘅柴犬,佢個肚就即係你個電話屏幕,你掃佢咪即係掃佢個肚囉。2,200円一個,仲有位放電筒,仲可以掛喺袋。

Read more ›
電話變街機 經典《銀鷹戰機》電話座有畫面
by / on 10/05/2017 at 4:08 pm

電話變街機 經典《銀鷹戰機》電話座有畫面

老鬼機迷應該實有印象,Taito嘅《銀鷹戰機(Darius/ダライアス)》三畫面街機,香港都有入過,不過唔記得幾多蚊一舖喇。日本嚟緊就有呢個迷你版「1/12 ダライアス筐体スマホスタンド」,雖然冇遊戲玩,但可以攝部電話喺後面,咁個街機屏幕就可以變成電話屏幕喇,如果電話有埋隻遊戲《ダライアスバーストSP》效果更佳啦!6月正式發售,5月14日同人即賣會「ゲームレジェンド26」優先有得賣。

Read more ›
超可愛立體「貓屁屁」電話殼 仲有馬騮/豬/班馬
by / on 16/04/2017 at 11:36 am

超可愛立體「貓屁屁」電話殼 仲有馬騮/豬/班馬

人類真係好變態,鍾意睇喵星人嘅屁屁。最近呢款立體貓屁屁電話殼喺網上好多人討論,作為貓奴,見到應該零抗拒力。有5款毛色,連花巧啲嘅彩虹尾都有。除咗喵星人,仲有狗狗、熊貓、馬騮、班馬、豬,全部都係用個pet pet對住你。唔鍾意電話殼仲可以揀鎖匙扣,一樣款式嘅。價錢方面,電話殼每個HK$281,鎖匙扣HK$200,Etsy有得買,用嚟送俾貓奴最啱。

Read more ›
【有片】拍教學片必備 掛頸電話架自拍手部動作
by / on 03/04/2017 at 12:43 pm

【有片】拍教學片必備 掛頸電話架自拍手部動作

如果你係網絡紅人,或者準備做網絡紅人,想自拍製作模型、整嘢食,甚至係打機嘅主觀視點,可以諗諗買呢個箍頸電話架,只要夾部電話喺度再掛上條頸,就可以調校角度拍攝自己前方同埋兩隻手嘅動作,重44g,1,280円,轉個頭就賺番返嚟啦。

Read more ›

低炒必備 日本電話水平影相反射器
by / on 03/04/2017 at 12:32 pm

低炒必備 日本電話水平影相反射器

如果你成日要低炒,偷拍……寵物們嘅一舉一動,咁呢個水平反射器就真係啱晒。只要夾喺電話度,咁你喺電話Mon度睇到嘅畫面,就變成電話平面嘅前方!日本已經開賣,980円。

Read more ›
【靚到咁】日本《Evangelion》初號機電話殼 電路板識著燈
by / on 16/02/2017 at 11:12 am

【靚到咁】日本《Evangelion》初號機電話殼 電路板識著燈

黐線o架咩?我真係想為咗佢而轉用iPhone 7……呢款電路板嘅電話殼,之前都有出過,《Star Wars》版都超靚,不過今次太勁,係《新世紀エヴァンゲリオン》嘅「EVA初号機」,都係繼續電路板,都係有電波時粒LED識發光!都係moeco製作。唔只iPhone 7、連iPhone 7 Plus都有,「FLASH iPhone 7ケース」、「FLASH iPhone 7 Plusケース」分別賣15,000円同16,000円,有3隻色,講真3隻都靚!不過,如果你唔係用iPhone都仲有嘢可以買,就係IC卡套,11,000円。

Read more ›
電話個Mon壞咗點算?日本網民駁Mouse!
by / on 06/02/2017 at 10:14 pm

電話個Mon壞咗點算?日本網民駁Mouse!

有冇試過跌爛咗個Mon?爆咗唔緊要,都可以頂住先,但如果壞咗輕觸功能,部電話仲可以點用?呢位網民部電話就跌咗落地下壞咗輕觸功能,咁佢就試吓用Mouse,點知,真係得……係咪即刻好想試吓?

Read more ›
【有片】實用喎!超薄磁力鏡頭蓋 電話、電腦都用得
by / on 06/02/2017 at 8:05 pm

【有片】實用喎!超薄磁力鏡頭蓋 電話、電腦都用得

    第一個反應,我以為呢個「IS|CC(Intelligent Security | Camera Cover)」係用嚟保護鏡頭免刮花,咁事實都有呢個功能,但唔係主要。主要功能係防偷拍,之前都聽過唔少Hacker可以Hack入你部電腦甚至電話,之後開你個鏡頭睇你做緊咩,俾人拍咗片就唔好啦,有咗呢個蓋就方便喇,用磁力攝住,開閂都好容易,而且佢標榜超薄設計,唔會影響notebook閂蓋嗰啲,仲可以選擇打橫或打直黐喺部電話嘅前鏡頭或者後鏡頭!o依家網上集資緊,爆晒額啦!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views