Andriod

【出現了!】有片 限量30,000部《Evangelion》新智能電話多圖公開
by / on 20/10/2015 at 3:51 pm

【出現了!】有片 限量30,000部《Evangelion》新智能電話多圖公開

嚟喇!之前未有樣睇嘅《新世紀Evangelion》TV動畫開播20周年電話終於公佈詳情,繼續都係同Sharp合作,今次呢部「エヴァンゲリオン スマートフォン(SH-M02-EVA20)」機背就係大大隻初號機,另外仲有多個殼,內置365張Wallpaper,新劇場版中嘅效果音達22種,最大鑊係「7-11」獨家發售,而且限量30,000部,12月尾出貨5,000部,下年4月再出25,000部。睇番同型號嘅規格,5吋Mon,1,678萬色TFT(720×1,280 HD),行「Android 5.0」,「MSM8926 1.2GHz」四核,影相1,310萬像素,SIM FREE,84,240円。唉,大鑊!

Read more ›

【SIM Free是重點】未睇樣先出價錢 《Evangelion》智能電話新情報
by / on 29/09/2015 at 11:55 am

【SIM Free是重點】未睇樣先出價錢 《Evangelion》智能電話新情報

樣都未有得睇,又唔知係咩規格,但就講定個價錢俾你知先,叫你儲定錢呀!《Evangelion》出智能電話,就係咁有型囉。官網新情報公開,呢部電視動畫《新世紀エヴァンゲリオン》20周年記念產品,價錢係78,000円,11月初會接受預訂,Android機,最重要係「SIM Free」,入嚟睇住宣傳片先!好,收聲同埋收錢啦。

Read more ›
【自拍新招】自拍神器連匙羹 邊食邊自拍
by / on 24/09/2015 at 7:12 am

【自拍新招】自拍神器連匙羹 邊食邊自拍

自拍又有新招,嗱大家食嘢嘅時候都慣咗順手影相放上網,咁如果一個人食嘢,又想自拍埋點算?呢支連埋匙羹嘅自拍神器就係針對呢種情況,就好似一支超長嘅匙羹咁,用咗佢,可以一邊食嘢一邊自拍,支神器可以延伸到30吋,仲有埋remote控制,不過支棍咁突出,拎出嚟實比人笑,唔知遲啲餐廳會唔會禁呢?BTW,最恐怖嘅係呢支神器暫時已經售罄‥‥‥

Read more ›
【有片】超強《Pokémon》電話遊戲 真實地圖戴表捉精靈
by / on 10/09/2015 at 3:18 pm

【有片】超強《Pokémon》電話遊戲 真實地圖戴表捉精靈

    嘩勁!雖然條宣傳片誇張咗,但都真係勁嘅。仲記唔記得早兩年Google Map喺愚人節玩過真實地圖捉小精靈遊戲?今次概念差唔多,不過更勁!日本直播活動中,任天堂宣佈會推出呢隻《Pokémon Go》電話遊戲,利用真實地圖,喺真實世界捕捉小精靈,而且仲可以同其他玩家對戰、合作、交換,而且仲會有隻好似手表咁嘅「Pokémon Go Plus」,同電話連動,掉精靈球出去捉精靈,亦都可以俾小朋友連接父母嘅電話嚟親子樂!據講遊戲喺兩年前已經開始由「Niantic」開發,己故前社長「岩田聡」都有份參與!遊戲會喺2016年推出,支援Android、iOS,到時會唔會再掀起寵物小精靈熱潮先?

Read more ›
【無線電響音】《Metal Gear Solid V》出特別版Xperia電話 + Tablet + Walkman
by / on 18/08/2015 at 4:28 pm

【無線電響音】《Metal Gear Solid V》出特別版Xperia電話 + Tablet + Walkman

有冇機迷諗住換電話?有冇人好想買MGS之前個通訊機機殼,可惜用Android機?o依家機會嚟喇!因為Sony將會推出《Metal gear Solid V: The Phantom Pain》特別版「Xperia J1 Compact」,9月2日發售,價格59,800円!機背有「OUTER HEAVEN」圖案之餘,內置會有兩首歌同「無線電通訊」嘅訊息響鬧音,加埋畫集同電子書,蛇迷Android用家必入!除咗電話外,仲有Xperia Z4 Tablet(9月2日,84,400円)、Xperia Z3 Tablet Compact(9月2日,59,600円)、NW-ZX2 WALKMAN(9月下旬,140,000円)、NW-A16 WALKMAN(9月2日,28,000円),都係內置歌曲同Wallpaper,Tablet就有兩款機殼添。

Read more ›
【課金地獄】有片 電話版《超級機械人大戰X-Ω》 戰鬥影片大量公開
by / on 11/08/2015 at 5:07 pm

【課金地獄】有片 電話版《超級機械人大戰X-Ω》 戰鬥影片大量公開

如果你係機戰迷,如果你唔怕SEGA,又唔嫌似《Chain Chronicle》,又又或者好簡單,對《Evangelion》、《鐵甲萬能俠》呢啲機械人作品太有愛,咁今年秋天有排你課喇。呢隻《スーパーロボット大戦X-Ω》早前公開咗PV,今次就再放毒,一次過8條唔同作品嘅戰鬥cut-in片段,我諗,到時初號機我係志在必得。

Read more ›

真人版Emoji公仔 重新拍攝嚿屎還原度高
by / on 08/08/2015 at 12:55 pm

真人版Emoji公仔 重新拍攝嚿屎還原度高

有無人用WhatsApp從來都唔用emoji公仔?我試過挑戰,不過一日唔夠已經投降。外國呢位設計師Liza Nelson應該都好迷emoji,所以搞咗個EMOJI IRL. LOL.企劃出嚟,將平時嘅emoji真實化,搵返真人或真物件影相,網站仲有製作花絮同emoji做唔到嘅GIF圖添,有無邊個你最常用?我最想知係嚿屎點整,同埋嚟緊會唔會影埋外星人,吖,仲有,會唔會有得下載裝埋喺WhatsApp度用返架?

Read more ›
【又嚟】20周年電話公佈開發《Evangelion》再搶錢計劃始動
by / on 13/07/2015 at 4:18 pm

【又嚟】20周年電話公佈開發《Evangelion》再搶錢計劃始動

之前有傳話生完仔嘅宇多田光話製作緊「今年冬季上映」嘅新劇場版主題曲……真唔真都好,EVA搶人類錢計劃其實一直都冇停過落嚟。仲記得之前SHARP嗰部神物EVA電話嘛?今次好似再勁啲喎,因為官方出,直情叫佢EVA SmartPhone,而且仲係記念動畫《新世紀エヴァンゲリオン》開始播放嘅20周年產品……雖然暫時只係得個抽選流動充電器有得睇,不過淨係睇條片,聽啲鋼琴聲,已經爆開咗我個絕對領域……唔知香港用唔用到呢?

Read more ›
【12點名場面】智能手表用家有福了 官方「機動戦士Gundam」表面130円下載
by / on 23/06/2015 at 4:59 pm

【12點名場面】智能手表用家有福了 官方「機動戦士Gundam」表面130円下載

有冇用緊Smart Watch?如果有,咁你用緊咩表面?呢套官方推出嘅「機動戦士ガンダム RX-78-2 Watch face」就可以將你隻表變成高達手表,而且剪影都唔算太毒。對應Android Wear5.0以上,Google Play有得下載,130円,唔駛$8蚊港幣,唔同時間唔同圖像,到23:59分仲會出現元祖名場面!

Read more ›
【實用發明】 Samsung大車車尾裝顯示屏   爬頭零意外
by / on 20/06/2015 at 12:15 pm

【實用發明】 Samsung大車車尾裝顯示屏 爬頭零意外

而家香港地搵食車通常會裝埋拍片鏡頭,以免發生車禍時口同鼻拗,喺阿根廷,車禍問題好嚴重,平均1小時就有1個人死於車禍,其中一個原因係當地嘅道路設計,啲車經常要駛過對頭線爬頭。Samsung最近就拍咗過新廣告,將Samsung嘅大貨車車尾換晒巨型顯示屏,接駁返車頭嘅鏡頭,咁跟喺後面嘅車就算想爬頭,都可以先睇清楚有無對頭車嚟緊先爬,安全好多。呢個發明好受歡迎,點擊次數已經過百萬,如果當地嘅大車都裝晒,應該可以減少好多路上意外,不過暫時未知會唔會正式量產,最怕係成本好貴啫。

Read more ›
【有片】AE86帶路 《頭文字D》出電話導航軟件
by / on 12/06/2015 at 11:51 pm

【有片】AE86帶路 《頭文字D》出電話導航軟件

《頭文字D Legend2 -闘走-》6月20日上映喇,為咗宣傳電影,就同軟件公司「dribrian」合作推出咗衛星導航軟體「NAVIelite×頭文字D」版本。開機已經有《頭文字D》標題,而且地圖上面架車仔都變咗做AE86藤原拓海豆腐車!仲有就係地圖中會出現電影中嘅景點,去到會有過場動畫睇!不過呢個導航軟件要收費,而且唔平,如果有香港地圖買唔買?

Read more ›

【自拍神燈】真人示範 影相從此好光猛 電話夾LED光環
by / on 11/06/2015 at 11:36 am

【自拍神燈】真人示範 影相從此好光猛 電話夾LED光環

嘩偉大發明!如果你都係鍾意自拍嘅人,戶外當然冇問題,但喺黑暗嘅環境點算呢?機上面嗰盞燈硬食埋嚟梗係唔夠靚!咁呢個「自撮り専用ライト セル*キラ」就幫到你手,可以夾喺電話度,而且學埋大機影人嘅燈圈咁,聲稱有強力美肌效果,對眼個反光圈仲好靚呀。適用於厚5-15mm嘅電話,即係iPhone4-6、大部份Android機同iPad都得,o依家喺網上集資緊,我有信心佢未集資完就已經有相類似嘅產品搶閘推出……

Read more ›
【電話遊戲】6月2日開戰《世界2》預先登入有著數
by / on 30/05/2015 at 9:59 am

【電話遊戲】6月2日開戰《世界2》預先登入有著數

之前封測咗7日嘅Game Dreamer代理電話遊戲《世界2THE WORLD II》,下星期二6月2日正式喺香港、澳門、台灣推出,o依家率先加入做會員,仲會有限量獎賞。唔知玩咩又唔知點升呢?入嚟有片睇。

Read more ›
新片速報 充電座好有型 《Iron Man》版Galaxy S6開箱片
by / on 26/05/2015 at 3:39 pm

新片速報 充電座好有型 《Iron Man》版Galaxy S6開箱片

Samsung呢部《Iron Man》限定版Galaxy S6 Edge,其實隻色都已經夠型,不過最正都係個無線充電座……啱啱Tony Stark……係Samsung就有條開箱片發佈咗,如果內置J.A.R.V.I.S會更佳。

Read more ›
【流動高潮】新片速報 電話遊戲《食戟のソーマ 最饗のレシピ》事前登錄預告
by / on 23/05/2015 at 10:58 am

【流動高潮】新片速報 電話遊戲《食戟のソーマ 最饗のレシピ》事前登錄預告

《食戟のソーマ》之前宣佈咗話推出3DS遊戲,大家都諗係咪高潮版Cooking Mama,不過嚟緊就仲可以用電話俾你喺街感受高潮料理喇!Bandai Namco宣佈會推出Android/iOS遊戲《食戟のソーマ 最饗のレシピ》,仲發佈咗事前登錄影片,免費下載課金類,但係,如果我搭搭吓車……啲女角食到高潮迭起,我驚……隔住個耳筒都俾隔籬位聽到……遊戲會喺2015年中推出。

Read more ›

本週人氣

10462 views

【有片】可愛到癲!「你點解嚟日本?」節目 日本網民狂讚16歲波蘭妹妹

8354 views

日本「裝銀仔」神器 網民推介Twitter熱傳

6890 views

我就是高達!舞台劇《機動戰士Gundam 00》角色登場

6473 views

機迷出圖 如果出Marvel’s Iron Man遊戲

6428 views

有片:男Coser扮不知火舞 超巨胸+巨蘿靠倒模