潮玩新聞

環保袋雜誌架兩用    簡約設計開心share
by / on 30/06/2013 at 4:13 pm

環保袋雜誌架兩用 簡約設計開心share

純粹覺得呢個設計幾靚幾實用又唔貴,想同大家分享吓。如果你同我一樣仲會睇書睇雜誌,一屋都係書有時都幾煩,呢個環保袋設計嘅袋仔PIA,可以將未睇完嘅雜誌放住入去先,等啲雜誌睇完棄置埋之後,個袋仲可以當環保袋揹出街用,睇落幾實用吖(黃色手帶位仲係皮製o忝!),開價美金$23(細)/$35(大)。不過只係怕到時啲雜誌照舊堆積如山,你要買多幾個袋放佢哋,至於揹出街嘅環保袋?再自己買多幾個囉。

Read more ›

怪相巨型戶外燈       有無人真心覺得靚?
by / on 30/06/2013 at 3:02 pm

怪相巨型戶外燈 有無人真心覺得靚?

嘻,今次我唔扮高深,呢支位於波蘭嘅戶外藝術燈,我真心覺得有啲怪相。名為Nepenthes (忘憂草) ,由Dan Corson設計,特色在於超巨型,不過用嘅係太陽能,每日吸收幾小時陽光,入黑之後就可以發放四小時嘅光源,但係呢,個樣真係好嚇人,好似去咗食人族原居地咁,夜晚著咗燈都唔見得靚,雖然佢已經好高科技,用咗半透明玻璃纖維配LED燈‥‥‥有無人真心覺得靚?

Read more ›
網圖分享:雕~你個西瓜!紅過劉德華!
by / on 30/06/2013 at 2:21 pm

網圖分享:雕~你個西瓜!紅過劉德華!

嘩,真係熱死人嘞,氣溫動輒過三十度,臭汗淋漓成個人立黐黐,有乜好過跳入冷氣房咬番個西瓜?西瓜不只消暑,仲可玩性高,大一大個任你雕,雕完先至食,都唔知幾過癮。

Read more ›
新片速報 5日800萬Views 6歲o靚妹沙聲Rock到爆
by / on 30/06/2013 at 2:13 pm

新片速報 5日800萬Views 6歲o靚妹沙聲Rock到爆

呢個6歲o靚妹係「America’s Got Talent」節目嘅參加者,佢先出場用BB聲自我介紹:「我係Aaralyn。」之後佢阿哥Izzy就打鼓,佢就開始唱佢哋自嘅作嗰首〈Zombie Skin〉……聽個名都有啲古怪,點知佢一開聲,嘩Rock過爆粗Band友!聽過你就知!呢條片放咗上YouTube 5日唔夠就有800幾萬個views,無綫幾時又學呀?

Read more ›
子彈橫切面相集    又靚又邪惡
by / on 30/06/2013 at 2:01 pm

子彈橫切面相集 又靚又邪惡

記得之前編輯爆炸哥介紹過杯麵罐頭湯橫切面,令我大開眼界!今次我都回贈呢單新聞比佢睇,主角係子彈,啱晒性格火爆嘅爆炸哥。由靚女攝影師(有相睇)Sabine Pearlman操刀拍攝,所有子彈都係喺瑞士嘅二次大戰燃料庫內拍攝,呢輯名為AMMO嘅相集真係好出色,橫切面嘅子彈無可否認真係好精細好靚,靚到好似藝術品一樣。亦帶出攝影師想表達嘅訊息:「子彈係好靚但同時好富破壞性,魔鬼同埋美麗嘅結合,正正同人類嘅情況一樣。」哲學性得嚟又好有道理喎。

Read more ›
新片速報:Gimme Dance扭躉舞靚股行先
by / on 30/06/2013 at 1:54 pm

新片速報:Gimme Dance扭躉舞靚股行先

Psy騎馬舞Out晒,Harlam Shake又Shake埋,家陣網絡世界又興跳乜嘢舞呢?答案係Gimmi Dance,指定動作係轉身用靚股對住鏡頭,跟住節奏狂震,震得越快越好睇。

Read more ›

日本愛知縣雪山拉麵 日傳媒親試 外冷內熱
by / on 30/06/2013 at 12:15 pm

日本愛知縣雪山拉麵 日傳媒親試 外冷內熱

天氣好熱,太陽好猛,呢個時候冇乜胃口,睇壽司都唔錯,起碼唔會食到熱辣辣。但原來食拉麵都可以好涼快?呢間日本愛知縣「かちかち山」就推出咗一隻名為「雪見ラーメン」嘅拉麵,嘩上枱時成座雪山咁,但凍嘅拉麵味道會係點?有日本傳媒去試過,撥開啲「雪」就會見到拉麵,原來……

Read more ›
慘劇!史上最大LEGO直昇機爛!晒!
by / on 30/06/2013 at 12:14 pm

慘劇!史上最大LEGO直昇機爛!晒!

我生平最怕就係曳嘅小朋友,你發佢脾氣、鬧佢都無用,佢哋一係會嘴藐藐,一係就大喊,兩個反應都無好結果。講返事發經過,話說外國LEGO迷Ryan McNaught用咗6星期製作咗一架史上最大嘅LEGO直昇機 ─ 用咗10萬塊LEGO砌成嘅Erickson Air-Crane,仲放咗喺澳洲嘅Cairns Central Shopping Centre展出威威,點知噚日居然比幾個小朋友整!爛!晒!真係爛得好徹底。警方而家透過閉路電視追緝緊疑兇,但死者已矣,唉,Ryan McNaught你節哀順便吧。

Read more ›
$1,088
by / on 30/06/2013 at 12:04 pm

30/6精品報價: 老闆娘壽辰 GUNDAM FIX獨角獸/METAL BUILD EXIA喪劈

  細路仔時記得有英女皇壽辰, 無端端多日假真係不知幾開心, 回歸後再無呢支歌仔唱……好彩仲有精品, 噚日係精品老闆娘壽辰, 當然冇話大卸天下咁嚴重, 不過就攞咗GUNDAM FIX隻獨腳獸同METAL BUILD EXIA出嚟狠劈, 價錢分別係$1,088同$999; 原本只做一日, 不過店長阿MAN都知我嗰皮:「都知你出唔切0架啦! 咁我就做埋今日!」真抵錫, 下次打街機GUNDAM鬆返章俾你呀! 同埋順手祝老闆娘長命百歲、身體健康、食得又搵得!

Read more ›
台灣Yahoo!知識 《進擊之巨人》Fans想買立體機動裝置 網民踴躍解答
by / on 30/06/2013 at 11:38 am

台灣Yahoo!知識 《進擊之巨人》Fans想買立體機動裝置 網民踴躍解答

《進擊之巨人》勁紅,動漫迷睇得好投入,我唔知呢位台灣fans係咪講真,不過佢就真係喺Yahoo!知道欄目度開咗個問題,問題如下:「哪裡可以買到?進擊的巨人立體機動裝置,我想買來練練,因為我住台南,聽說巨人是從南方出現的,所以我很擔心!哪天突然出現,我還學不會這項技術,就被巨人吃掉了!請問要哪裡才有賣呢?」之後,一眾網友真心回覆,有人講:「等到你能服兵役的年紀時,記得報名志願役並且要求增設立體機動裝置特訓課程。」「不用怕,我聽說兵長和艾倫也是住台南的~」「我朋友有幫我買,我都跟他在他家頂樓練習,我練得很強了,跟兵長有得比!如果你不懂可以請教我,我最近也還在訓練如何削巨人後頸~」「所謂未雨綢繆,我們志同道合阿!!!!!」「放心 你咬你的拇指就好了啊!」合共有7頁回應,入嚟有Link慢慢笑。

Read more ›
相機一開二   影大合照 / 冧女必用
by / on 30/06/2013 at 11:16 am

相機一開二 影大合照 / 冧女必用

每次影大合照時,總要有人犧牲充當攝影師,影完之後,又總會有好心人衝出去話:「我揸機啦,你埋位影啦。」由Chin-Wei Liao發明嘅The DUO相機正好解決呢個問題。佢可以將相機一分為二,隨時拆開變成兩個鏡頭,變成一邊向住攝影師另一邊向住被攝者。呢部一開二相機,仲可以充當二人自拍嘅好幫手,一人影一邊,成功機會率大增。仲有好多好玩玩法可以自己發掘,不過呢部DUO相機暫時只係概念機,個人認為冧女一流,有得諗喎。

Read more ›

《閃亂神樂》3D滑鼠墊玩飛釘 禁斷之凸再現?
by / on 30/06/2013 at 3:41 am

《閃亂神樂》3D滑鼠墊玩飛釘 禁斷之凸再現?

動漫女角們出3D Mouse Pad唔出奇,遊戲同動畫都相當受歡迎嘅《閃亂神樂》,入面班女忍者咁好身材,唔出就嘥啦,不過就咁出似乎唔夠勁……於是,佢就標榜「禁斷之凸」再現,即係女角們心口除咗軟綿綿俾你墊手之外,球體表面仲會有一點微微凸起……9月15日推出,合共5款,4,200円都幾貴,但整到咁Detail又好似幾威……

Read more ›
本週爆Like圖集   進擊原子筆畫 四肢發達版煤炭屎鬼 朝拜鬆弛神
by / on 29/06/2013 at 9:54 pm

本週爆Like圖集 進擊原子筆畫 四肢發達版煤炭屎鬼 朝拜鬆弛神

一連放三日假,真係從未如此精神過!本週爆Like圖,最受歡迎依然係進擊系,除咗神人用原子筆畫嘅《進擊之巨人》畫像,仲有連BB都被迫Cosplay嘅進擊之老母現身,不過我懷疑GameoverHK其實有好多女讀者(或者天生愛萌嘅男讀者),因為呢張朝拜鬆弛神同埋煤炭屎鬼呢兩張圖都勁多人Like,吖,仲有一個疑似Iron Man嘅蘋果‥‥‥呢個真係品味奇特,估你唔倒!加埋啱啱上咗兩日嘅《超人》女裝爆衫版,入嚟睇圖走字啦。

Read more ›
紙模型神作 《Skyrim》Frost Dragon霸氣實體化
by / on 29/06/2013 at 9:46 pm

紙模型神作 《Skyrim》Frost Dragon霸氣實體化

呢位叫DaiShiHUN嘅網民,睇佢個網站整過好多紙模型,而最新作就係呢隻《Skyrim》遊戲入面嘅Frost Dragon,望埋去超精細,就連龍口入面啲龍牙都整埋,唔講真係唔知係用紙做!入嚟有多幾張圖睇,仲可以去佢網站睇埋佢其他作品。

Read more ›
新片速報《初音未來》關西和歌山演唱會 BD/DVD特典有香港
by / on 29/06/2013 at 9:25 pm

新片速報《初音未來》關西和歌山演唱會 BD/DVD特典有香港

初音都嚟過香港同台灣開演唱會,去睇過嘅都應該好滿意,咁喺日本方面嘅演唱會呢,港台初音迷都可以買碟睇。呢場係今年喺關西和歌山開嘅演唱會,演出嘅有初音ミク、鏡音リン、レン、巡音ルカ、KAITO、MEIKO,3個鐘共有39首歌,預告片同歌單可以入嚟睇。另外仲有封入特典,係香港同埋台灣嘅演唱會,仲有2月「札幌公演」嘅影像,全長60分鐘o架!8月30日推出,售價DVD 7,140円,BD 9,240円。

Read more ›

本週人氣

24282 views

千年一遇橋本環奈 肥肥哋好可愛

9177 views

到底係咩?日本Gundam迷發現 元祖高達從未立體化裝備!

6282 views

日本調查 最多人搜尋明日花 松下紗栄子最啱老人家

6127 views

男女性搜尋成人關鍵字係咩?女性第2位竟然係「痴漢」

4867 views

日本網民熱傳Cara Delevingne中性造型 皇室婚禮成焦點