玩具資訊

日本夜光人仔出鎖匙扣 超實用搵鎖匙一流
by / on 15/08/2018 at 7:58 am

日本夜光人仔出鎖匙扣 超實用搵鎖匙一流

呢個夜光人仔「スミスキー」之前都出過唔少產品,最近宣佈推出呢款超實用嘅「鎖匙扣」。夜媽媽返屋企想喺個手袋度搵鎖匙,發住光嘅佢就好容易睇到嘞!預計10月初發售,每個950円,合共有3個款式,買嚟自用或者送俾朋友都正。

Read more ›

《超人》建築物扭蛋 破損大廈配玩具
by / on 14/08/2018 at 7:05 am

《超人》建築物扭蛋 破損大廈配玩具

日本「特攝之神」圓谷英二拍攝嘅科幻影集《超人系列》唔經唔覺已經超過50年歷史,之前Bandai旗下嘅Gashapon出過發光扭蛋,仲出埋對應嘅場景建築物,最近佢哋推出建築物嘅第二彈,破捐嘅建築物包括大廈、民居,仲有埋挖土機、貨車同埋紅白煙囪,今個月推出,鍾意特撮同埋超人玩具嘅記住留意返嘞。

Read more ›
日本模型由名字變地標 砌出東京鐵塔+大阪城最佳手信
by / on 13/08/2018 at 5:00 pm

日本模型由名字變地標 砌出東京鐵塔+大阪城最佳手信

以後去日本旅行,唔使下下都買零食返香港請朋友仔食咁悶蛋喇,「株式会社マックスリミテッド」推出嘅呢兩盒模型,可以由地名「東京」同「大阪」個名,砌出各自嘅地標東京鐵塔同大阪城,完成品好精緻吓。各有紅藍白三色,白色嗰款仲用咗吸光物料,漆黑環境下會發出綠色螢光,好盞鬼。各680日圓,唔貴,買嚟當手信真真不俗。

Read more ›
古天樂設計香水樽 樽身《Star Wars》黑武士
by / on 10/08/2018 at 1:00 am

古天樂設計香水樽 樽身《Star Wars》黑武士

古天樂有個私人倉庫擺放玩具,勁迷《Star Wars》係人都知,所以佢幫香水品牌Guerlain設計The Bee Bottle香水樽,都用《Star Wars》做主題,成件事好合理。香水樽純黑,樽身以黑武士為籃本,係幾型,好想知究竟係乜嘢味。留意番,只要喺面書留意支持古天樂,Guerlian就會為每個帖文捐出$5,支持國際培幼會「愛‧女孩」行動,善事嚟嘅,大家支持吓。

Read more ›
《蠟筆小新》爸爸Figure連環圖 單手擋劍超型
by / on 09/08/2018 at 7:21 am

《蠟筆小新》爸爸Figure連環圖 單手擋劍超型

《蠟筆小新》爸爸「野原廣志」呢隻figure似乎好好玩,可塑性好高,繼早幾日輯超型嘅玩具靚相之後,呢位日本專影figure嘅網民都出手嘞。今次嘅情景係小新爸爸返屋企途中被攔途截劫,又係呢隻「山田孝之」監修嘅勇者「figmaヨシヒコ」,你睇爸爸單手擋劍幾型!個笑容同埋姿勢都好完美!

Read more ›
《超人特攻隊2》BB積積扭蛋 四款造型最想要「衣夫人」
by / on 08/08/2018 at 7:47 am

《超人特攻隊2》BB積積扭蛋 四款造型最想要「衣夫人」

睇完《超人特攻隊2》相信都會俾今集嘅超能BB積積吸引住,仲會好懷念佢超正嘅造型。日本扭蛋公司TAKARA TOMY今個月會推出呢款超能BB扭蛋,一式四款,有普通BB、超人裝、衣夫人同怪物造型。我最想要係佢變成衣夫人齊蔭bob頭嗰隻,超可愛!

Read more ›

《蠟筆小新》爸爸超型Figure   「高富帥」代表Twitter熱傳
by / on 06/08/2018 at 7:43 am

《蠟筆小新》爸爸超型Figure 「高富帥」代表Twitter熱傳

野原廣志,即係《蠟筆小新》嘅爸爸啦,最近佢出咗隻景品figure,呢隻貨量較少嘅黑呔黑西褲版本。一臉chok樣嘅爸爸嘴角上揚好有型,配埋個叉腰同埋撥件外套去後面嘅姿勢,Iron Man都要企埋一邊。之後有網民分享佢哋隻野原廣志figure,有人將佢安置喺一班囡囡figure之中,效果好和諧。BTW,其實係好多日本女士心目中嘅理想男人,因為佢有齊「高富帥」嘅條件,身高180cm高,喺大企業欆2葉商事做咗15年課長,早稻田大學,所以佢嗰動作咁自信都好合理呀。

Read more ›
超精緻《One Piece》開信刀 有齊索隆三把刀
by / on 02/08/2018 at 7:32 am

超精緻《One Piece》開信刀 有齊索隆三把刀

作為一個《One Piece》fans,應該會好想買呢幾把開信刀。有齊索隆身上嘅三把武士刀「和道一文字」、「三代鬼徹」同埋「秋水」,仲有托拉法爾加‧羅嘅「鬼哭」,每把開信刀都跟埋個刀架可以做展示,超靚!每把賣4000円,入嚟有link。

Read more ›
【眼鏡娘ready】日本扭蛋「迷你眼鏡」      可摺合有眼鏡盒
by / on 29/07/2018 at 10:36 am

【眼鏡娘ready】日本扭蛋「迷你眼鏡」 可摺合有眼鏡盒

有無試過想幫隻figure加返副眼鏡?日本專出扭蛋嘅EPOCH最近推出呢款迷你眼鏡扭蛋「EYEWEAR COLLCTION Basic」,一式九款,全部手工都超細緻,眼鏡柄仲可以摺合,而且有埋眼鏡盒,超正!諗好邊個變眼鏡娘未?

Read more ›
日本「熊貓之穴」新扭蛋 「生果鳥」超可愛造型
by / on 26/07/2018 at 9:25 am

日本「熊貓之穴」新扭蛋 「生果鳥」超可愛造型

日本扭蛋品牌「熊貓之穴」出名創意爆棚,最近佢哋又有新作,今次嘅主題係「生果鳥」,仲有埋故事背景。話相傳日本最南邊嘅海洋有一座未俾人發現嘅小島,上面住咗好多「熱帶生果鳥(トリピカルズ)」,例如有「奇異果鳥」、 「香蕉鳥」、「蜜柑鳥」、「蜜瓜鳥」等等,全部造型都好可愛,仲令我諗起本地嘅「叔叔不行鳥」。預計2018年8月發售,鍾意嘅記住留意返嘞。

Read more ›
日本貓奴分享生活照 真貓假貓好難分
by / on 25/07/2018 at 8:00 am

日本貓奴分享生活照 真貓假貓好難分

如果我係呢隻黑喵,應該覺得好無奈。最近有貓奴分享咗幾張生活照,睇相見到幾隻喵攤喺梳化上面好寫意,之後又一齊食嘢,不過睇真啲,有兩隻原來係毛公仔嚟嘅!像真度極高,難怪隻真喵個樣咁無奈。不過佢有個好處,主人話本來隻喵唔肯飲水,但係放咗兩隻假喵喺旁邊後佢就肯飲,唔通驚其他貓搶晒佢啲水?

Read more ›

Kana書展出《打爆真‧三國歷史》 陳某幫手畫封面
by / on 19/07/2018 at 10:00 am

Kana書展出《打爆真‧三國歷史》 陳某幫手畫封面

鍾意睇小說者,睇羅貫中《三國演義》可以睇到通宵達旦;鍾意打機者,亦總玩過以三國為題材嘅Game,但惟有睇小說煲正史兼打機專到一個點,先可以出書寫三國同Game之間嘅真真假假。今個書展,值得留意Kana著作《打爆真‧三國歷史》,三國Game裡面嘅人物角色,有幾多係虛構?有幾多真正符合史實?呢個前Game書編輯就係有本事將之寫成書,都咪話唔厲害。每本$98,唔貴。留意番,連《火鳳燎原》作者陳某都幫佢畫封面,係咪更加要加分先?要撐!

Read more ›
超可愛「無臉男」玩具 一式六款有隱藏版本
by / on 19/07/2018 at 7:04 am

超可愛「無臉男」玩具 一式六款有隱藏版本

一直好鍾意無臉男,自從有台灣小朋友扮完之後,而家每次見到無臉男就諗起佢。講返正題,最近專賣吉卜力商品嘅「橡子共和國」推出一式六款嘅無臉男玩具,每款都有唔同動作,儲埋一齊超可愛,不過仲未知道隱藏款式係點,想知嘅可以去買盒嚟抽吓嘞,每盒780円。

Read more ›
日本模型作品 當高達變成可愛少女
by / on 18/07/2018 at 9:00 am

日本模型作品 當高達變成可愛少女

來自「おおこしたかのぶ」嘅Twitter,呢隻名為「Gundam少女」嘅作品,本來係為咗Wonder Festival而製作嘅。手長腳長仲有纖腰,面罩可以除低露靚樣,如此高想像力與手工,不得不俾佢服字創作者。

Read more ›
Felix Ip《香港重機》Figure曝光 廢箱重機+垃圾俠登場
by / on 17/07/2018 at 8:57 pm

Felix Ip《香港重機》Figure曝光 廢箱重機+垃圾俠登場

嘩!真係好正呀,之前介紹過嘅Felix Ip《香港重機》系列之垃圾蟲同垃圾桶實體化玩具,依家不但有色辦睇,仲正名為「廢箱重機」同「垃圾俠」。個人認為做得好精細,嗰種殘舊污糟感覺好出,喺燈光下,好似真係生晒鏽磨蝕咗咁。買就買硬,不過唔知真正有幾高呢?希望唔好太大隻喇,呢啲Figure仔,細細隻先好睇。

Read more ›

本週人氣

12568 views

【有片】可愛到癲!「你點解嚟日本?」節目 日本網民狂讚16歲波蘭妹妹

7910 views

【有片】日本狂人搗亂Family Mart 網民:「激似《人中之龍6》!」

7348 views

我就是高達!舞台劇《機動戰士Gundam 00》角色登場

6858 views

日本網民自製「LED眼鏡」 發光效果勁似「碇司令」

6563 views

黃符遮三點 超性感殭濕子Figure