玩具資訊

日本神人重製「樂天熊仔餅」 熊仔打鼓超可愛
by / on 05/01/2019 at 7:26 am

日本神人重製「樂天熊仔餅」 熊仔打鼓超可愛

又係呢位日本神人,佢最擅長係將品客薯片罐變成品客叔叔,前排重製過牛奶妹,最新作品係「樂天熊仔餅」,見到熊仔頭大身細仲學人打鼓,超可愛!入嚟有得回帶睇返佢2018年嘅精選作品。

Read more ›

《變形金剛》x G-Shock變形手錶 柯柏文唔變貨櫃車變錶座
by / on 02/01/2019 at 7:48 pm

《變形金剛》x G-Shock變形手錶 柯柏文唔變貨櫃車變錶座

《變形金剛》迷留意,G-Shock迷都要留意,有請兩者聯乘嘅柯柏文變形手錶套裝出場!睇盒,型到以為係模型,大大盒好搶眼;錶呢,6900系G-Shock;顏色呢,經典紅搭藍主調色走唔甩,錶面有「TRANSFORMERS」字樣,顯示屏有「博派」標誌發光燈;如何變形呢,自己睇相,不過今次唔係變貨櫃車,係變一個疑似太空船物體嘅錶座;售價呢,29000日圓。係型嘅,$2000貨仔,抵玩。

Read more ›
日本網民翻新《多啦A夢》公仔    2019新年新面貌
by / on 02/01/2019 at 7:32 am

日本網民翻新《多啦A夢》公仔 2019新年新面貌

新年係去舊迎新嘅時候,不過有啲嘢用嚟咗有感情,唔係隨便可以放棄。日本網民呢隻多啦A夢公仔已經又殘又爛,趁新年佢幫隻公仔沖涼再重新縫好所有破爛嘅位置,完成品新嘅一樣,多啦A夢開心到笑晒。有網民仲話自己有隻用咗20年嘅比卡超想俾樓主幫佢翻新,不過樓主就婉轉拒絕咗嘞。趁新年大家都諗吓有無心愛物品可以翻新再用啦。

Read more ›
日本奇譚扭蛋「貓陀螺」 3隻貓咪咬尾超可愛
by / on 02/01/2019 at 7:06 am

日本奇譚扭蛋「貓陀螺」 3隻貓咪咬尾超可愛

指尖陀螺(fidget spinner)2018年都興過一排,不過如果係貓咪版,吸引力有無大增?日本奇譚最近公佈推出呢款貓陀螺,每個有三隻貓仔,仲要一個咬住一個條尾,超搞笑,一共有五個款式,其中一個係隱藏款,預計月中推出,留意張宣傳插畫都超可愛。

Read more ›
Lego新貨玩舞龍賀歲 嚟緊豬年啱砌
by / on 31/12/2018 at 9:00 pm

Lego新貨玩舞龍賀歲 嚟緊豬年啱砌

合理嘅,越來越多中國人鍾意砌Lego,所要出番副舞龍賀歲(型號80102)絕對計啱數。乜餡呢?簡單直接龍一條,由五個Minifigure舞動,有個粉紅色疑似「大頭佛」角色帶頭,造型卻係隻豬,出年係豬年吖嘛。睇片見到條龍可以上下擺動,唔會硬邦邦唔識郁,配色都係大紅大金好喜慶Feel。我知實有人話老土,但我真心Mode鍾意喎,有無人送畀我?

Read more ›
【新片速報】日本100円好物推介 超可愛海豹水喉配件
by / on 30/12/2018 at 2:34 pm

【新片速報】日本100円好物推介 超可愛海豹水喉配件

日本嘅100円店經常發掘到正嘢,最近有網民推介呢件喺100円店Daiso買嘅好物,裝喺水喉度,每次一開水,隻海豹仔雙手就會不停搖呀搖,可愛到癲!不過如果屋企有細路仔,應該會引到佢長期玩水‥‥‥

Read more ›

過年要買 食完團年飯砌「團圓‧團年飯」Lego
by / on 28/12/2018 at 8:45 pm

過年要買 食完團年飯砌「團圓‧團年飯」Lego

弊喇,屋企仲有十盒八盒未砌,但又心郁郁想買「團圓‧團年飯」Lego(型號80101)。官方話呢盒係首次以農曆新年為主題嘅Lego,場景係中國傳統大宅,有埋花樽插住年花,大家開開心心圍住食飯咁喇,檯面有團年飯必備嘅大魚大肉,有六個著住賀年衫嘅Minifigure,大紅大金,總之就非常喜慶Feel喇,1月3日。過新年,買番份應節玩具,成件事好合理吖……我用呢個唔知算唔算藉口嘅藉口說服緊自己中。

Read more ›
【有片】巴黎「迪士尼樂園」廣告超高質 可愛鴨仔尋找唐老鴨
by / on 28/12/2018 at 7:59 am

【有片】巴黎「迪士尼樂園」廣告超高質 可愛鴨仔尋找唐老鴨

巴黎迪士尼樂園呢段廣告片真係超高質,難怪喺Twitter好多人RT。主角係一隻好可愛嘅小鴨仔,佢喺漫畫度見過唐老鴨之後就念念不忘,當中加咗好多CG效果,隻鴨仔仲超得意,臨尾見到唐老鴨大團圓結局,睇完我都有啲鍾意咗唐老鴨呀!

Read more ›
【感動】日本博物館30年失物「唐老鴨」 熱心人聖誕送Daisy相伴
by / on 27/12/2018 at 7:48 am

【感動】日本博物館30年失物「唐老鴨」 熱心人聖誕送Daisy相伴

仲記唔記得日本「致道博物館」呢隻唐老鴨?30年前喺博物館俾職員發現咗,兩星期前博物館嘅Twitter小編幫佢搵主人,成為大家嘅討論話題。雖然主人仲未搵到,不過竟然有人做咗件超有愛嘅事,就係寄咗隻Daisy公仔陪佢!咭上面大概寫話唐老鴨已經孤零零過咗30年,所以趁聖誕節送隻Daisy陪佢。雖然未知呢個有心人係邊個,不過網民都大讚個舉動好感人,入嚟有得回帶睇返成件事。

Read more ›
【有片】TENGA再出機械人 HARD版拎鐵鍊SOFT版好溫柔
by / on 27/12/2018 at 7:16 am

【有片】TENGA再出機械人 HARD版拎鐵鍊SOFT版好溫柔

TENGA隻機械人版揀正12月聖誕節推出,見反應好,官方仲趁聖誕節公佈多兩款機械人SOFT同HARD!HARD就係黑紅版本,可以變身之餘仲揸住條鐵鍊好重口味;SOFT版就銀白色,睇落個樣溫柔啲。單買3426円一隻,不過官方當然有推出套裝版,買齊兩隻7407円,仲會有額外配件,入嚟有得睇。預計5月推出。

Read more ›
【聖誕驚喜】日本「漫☆画太郎」聖誕阿婆Jump Festa有得睇
by / on 24/12/2018 at 2:44 pm

【聖誕驚喜】日本「漫☆画太郎」聖誕阿婆Jump Festa有得睇

聖誕節當然要睇吓啲醒神嘢,有睇開日本漫畫家「漫☆画太郎(まん がたろう)」嘅作品,應該都認得呢個阿婆嘞!最近作者眾籌成功,經過幾個月嘅製作,等身高嘅阿婆終於喺日本幕張嘅「Jump Feata 2019」現身嘞!不過由於裸體太激,加上撞啱聖誕,所以阿婆就加咗套聖誕比堅尼裝,不過佢頂帽都好古惑,去開Jump展記住探吓阿婆嘞。另外影相影得最靚放上Twitter嘅朋友,仲可以得到作者親筆簽名嘅《星の王子さま》,喂,點解唔係送阿婆先?

Read more ›

《獅子王》其實似喵 日本網民分享貓仔怒啤圖
by / on 22/12/2018 at 1:03 pm

《獅子王》其實似喵 日本網民分享貓仔怒啤圖

睇新一輯《獅子王》電影預告時,有無覺得隻獅子仔其實好似喵?有日本網民分享咗張圖,專登俾隻喵發揮吓,張相喺Twitter熱傳,隻貓怒啤嘅眼神超正,仲令人諗起之前喺日本網上熱傳嘅「二足步行喵」,佢已經紅到日本奇譚都出扭蛋,今個月底推出嘞,入嚟有回帶。

Read more ›
助養東尼公仔$98 添多個馬桶畀多$30
by / on 21/12/2018 at 8:45 pm

助養東尼公仔$98 添多個馬桶畀多$30

啲Description係幾好笑嘅,面書專頁「東尼電機」出公仔,有以下Hardsell內容:「山區兒童助養東尼計劃,推出最新座廁版,每日只需$3.26一個月供斷,就可以令東尼得到溫飽,立即行動!」笑完,認真睇價錢,齋東尼公仔$98,要埋個馬桶就$128,價錢唔貴,請大家多多支持。又,有無發覺,東尼公仔個面相,有少少似馬榮成自己畫自己嘅Q版馬Sir?

Read more ›
超創意日本玩具攝影 珊瑚變噴血Twitter熱傳
by / on 20/12/2018 at 7:52 am

超創意日本玩具攝影 珊瑚變噴血Twitter熱傳

作為一個玩具攝影師,仲要係有劇情嗰種,時刻保持創意好重要。日本人氣度好高嘅玩具攝影師「えだま」最近買咗呢盒海洋生物嘅玩具,因為佢睇中咗紅色嘅珊瑚,仲用佢嚟做噴血嘅效果,超正!你睇哈利仔幾瀟灑?殺人唔眨眼呀。

Read more ›
日本爆笑「大下巴動物」特別版 全部白化「刺猬仔」都有
by / on 20/12/2018 at 7:01 am

日本爆笑「大下巴動物」特別版 全部白化「刺猬仔」都有

日本扭蛋「熊貓之穴」呢個「大下巴動物」系列一向好受歡迎,最近仲推出特別版,6款動物全部白化晒,啱晒冬天聖誕呀!動物包括有獅子、老虎、鱷魚等,最搞笑都係隻刺猬仔,咁細隻都有長下巴,超可愛!鍾意嘅記住去搵吓嘞。

Read more ›

本週人氣

8394 views

日本怕凍貓坐太近暖爐 貓鬚鬈晒好可憐

7859 views

本名再現!25歲三上悠亜出圖回憶成人式

7421 views

睇咗未?36歲深田恭子新日劇開播 網民截圖話好可愛

6194 views

【有片】全100期《Gundam MS Bible》 每期一機體超詳盡介紹

5621 views

今個月有得扭 扭蛋球狀變高達頭