玩具資訊

黃符遮三點 超性感殭濕子Figure
by / on 18/09/2018 at 8:30 pm

黃符遮三點 超性感殭濕子Figure

嘩,正呀喂,如果真係有咁索嘅殭屍,俾佢咬一啖又何妨。呢隻由「Strange Works」推出嘅殭濕子,名字已經好令人想入非非,遮住三點嘅黃符更加係神來之筆,身材如此誇啦啦,造型真係極性感。全身高22cm高,唔算好大隻,唔知買番屋企可唔可以辟邪兼保家宅平安呢?白模1690台幣,上色完成品3960台幣,唔貴,抵玩。

Read more ›

日本Miffy變喪兔 血盤大口超恐怖
by / on 16/09/2018 at 1:51 pm

日本Miffy變喪兔 血盤大口超恐怖

嚇死人咩?最近呢位日本網民將原來可愛嘅Miffy變成咁,個嘴好似bio hazard嘅喪屍咁,超恐怖!之後樓主仲放埋wallpaper圖俾大家下載使用,有網民放埋之前熱傳過嘅「東南西北Miffy」片出嚟,未睇過可以入嚟回帶。

Read more ›
超突破日本「熊貓の穴」蛋     「冰河期の僧侶」玩穿越
by / on 14/09/2018 at 7:57 am

超突破日本「熊貓の穴」蛋 「冰河期の僧侶」玩穿越

一直好鍾意「熊貓の穴」嘅扭蛋,每次都有驚喜!最近推出咗呢款「冰河期の僧侶」,僧侶穿越到冰河時期,簡直係修行嘅最高境界。合共有4個款式,包括托鉢、念仏、作務同坐禪,全部手功都超細緻,鍾意嘅記住留意返。

Read more ›
「胡迪」示範打工仔被鬧表情   日本玩具人新相Twitter熱傳
by / on 14/09/2018 at 7:03 am

「胡迪」示範打工仔被鬧表情 日本玩具人新相Twitter熱傳

俾上司鬧應該露出乜嘢表情?呢個係好高深嘅學問,仲好考演技。日本呢位玩具攝影師又有新作,今次主題係面對盛怒上司嘅反應,佢搵咗《反斗奇兵》嘅胡迪嚟演釋,仲著埋恤衫打埋呔,胡迪嘅表情,簡直將打工仔俾上司鬧嘅內心戲由內到外完美表達咗出嚟,滿分。之後仲有大量網民出圖回應,入嚟有回帶。

Read more ›
張國榮1:6人偶 重現《倩女幽魂》寧采臣風采
by / on 13/09/2018 at 9:05 pm

張國榮1:6人偶 重現《倩女幽魂》寧采臣風采

擒日張國榮生忌,面書洗版盡係哥哥影子,咁多套由哥哥擔正男一嘅電影,你最鍾意邊套?選擇困難症呢?正常,不過我估《倩女幽魂》一定榜上有名。呢個由人偶品牌Enterbay新推出嘅寧采臣1:6人偶2.0,我自己就非常喜歡嘞。頭雕堪稱神還原,衣飾造型同戲畫面嘅角色一模一樣,配件有手鈴、紙油畫、骨灰龕、竹背包同可以發光嘅燈籠等等,售$1788。點睇?啱睇囉。

Read more ›
有片:港產超合金黃金俠 Pose+拍片教變身
by / on 12/09/2018 at 8:51 pm

有片:港產超合金黃金俠 Pose+拍片教變身

港產玩具品牌「Pose+」個超合金黃金俠,聽講大受好評,又難怪嘅,雙腳可以做到咁修長但又收得入火機身,變身方法又可以咁精準刁鑽,係值得畀隻手指公嘅。有關方面喺面書專頁拍埋片,介紹機體有磁石機械心臟、高24cm、雙眼如何發紅光同組裝。睇完,我Feel到自己已經購買慾大增,唔知大家點睇?

Read more ›

日本《幼稚園》雜誌送拉打扭蛋機 成人網民超想要
by / on 11/09/2018 at 7:53 am

日本《幼稚園》雜誌送拉打扭蛋機 成人網民超想要

日本啲雜誌附送嘅禮物一向好驚人,今次呢本《幼稚園》嘅10月號仲誇張,居然送咗部扭蛋機!主題仲要係拉打《仮面ライダージオウ》!成部機用咭紙砌成,入面跟埋扭蛋,係8隻紙咭製嘅拉打手錶,可以用嚟玩board game,價錢絕對高過書價940円。唔止小朋友想要,好多大人都留言話超想買!

Read more ›
【有片】日本柴犬被整蠱 咬實變色球影片Twitter熱傳
by / on 11/09/2018 at 7:05 am

【有片】日本柴犬被整蠱 咬實變色球影片Twitter熱傳

呢個識發光識變色嘅膠波係日本好受歡迎,有主人仲拍咗段片,搵咗佢隻柴犬嚟做示範。咬住個波嘅佢點諗到自己已經被出賣,俾主人放咗上網?不過效果真係好好笑!入嚟有片睇,各位狗奴應該好想買返個。

Read more ›
【有片】日本超賤《蠟筆小新》屁股加濕器 12月推出好想買
by / on 11/09/2018 at 7:01 am

【有片】日本超賤《蠟筆小新》屁股加濕器 12月推出好想買

夏天成日開冷氣,點都要有個加濕器中和吓。噚日介紹過「地獄三頭犬」,可惜已經售罄,今日發現到呢件好物,用「蠟筆小新」個屁股嚟噴濕嘅「嵐を呼ぶケツだけ星人加湿器」,效果超爆笑,好附合小新嘅性格!如果再加埋特別味道嘅香薰油‥‥‥售價6980円,預計12月頭推出,啱晒用嚟做聖誕禮物。

Read more ›
日本網民試《Spider-man》影相模式     超靚鳥瞰黃昏相集
by / on 09/09/2018 at 3:41 pm

日本網民試《Spider-man》影相模式 超靚鳥瞰黃昏相集

有無玩緊PS4隻《Marvel’s Spider-man》?入面有超多支線任務,加上仲有影相模式,好容易會令人流連忘返唔想做主線任務。日本呢位玩具攝影師hot.kenobi啱啱就分享咗佢用影相模式影嘅作品,黃昏嘅紐約景,配埋高空鳥瞰嘅角度,超正!佢平時影嘅玩具寫真都好高質,入嚟有佢IG,可以follow埋。

Read more ›
【新片速報】日本網民打開洗衣機 發現「星之卡比」涼緊沖
by / on 09/09/2018 at 3:35 pm

【新片速報】日本網民打開洗衣機 發現「星之卡比」涼緊沖

星期六日又係洗衫嘅時候嘞,日本呢位網民好幸福,有媽咪幫佢洗,仲連佢隻星之卡比嘅咕臣都洗埋,佢忍唔住打開個蓋,見到個位仲要啱啱好,卡比個頭轉呀轉好搞笑!洗完之後曬乾埋就乾淨晒嘞,不過點解好似淡色咗?

Read more ›

迷你二合一街機鎖匙扣 打《Pac-Man》+《Space Invaders》
by / on 06/09/2018 at 10:00 am

迷你二合一街機鎖匙扣 打《Pac-Man》+《Space Invaders》

造型夠Retro,呢部超超超迷你街機3.5吋、1.75闊、1.8吋深,Screen細個吋半,細到可以當鎖匙扣用,有Joystick有掣,真係可以打到機,而啲遊戲都好Retro,有八十年代嘅《Pac-Man》、《Ms. Pac-Man》同《Space Invaders》選擇。正在每個只賣19.99美金,抵玩喇。

Read more ›
萬聖節貓頭套出場 黑貓配金色造型超搶眼
by / on 06/09/2018 at 7:55 am

萬聖節貓頭套出場 黑貓配金色造型超搶眼

要嚟嘅始終都係要嚟,講緊嘅係萬聖節同埋呢套喵星人頭套。無玩一排,當班喵星人以為可以鬆一口氣嘅時候,奇譚又宣佈推出呢套頭套,一式五件,有女巫、惡魔、南瓜、妖怪同蝙蝠造型,都要配合返本身隻貓嘅毛色嘅,例如金色呢套,黑貓就非常合適嘞!

Read more ›
日本挑戰「手指彈擊力」玩具      指上最強party game
by / on 04/09/2018 at 7:53 am

日本挑戰「手指彈擊力」玩具 指上最強party game

專出古怪玩具嘅Megahouse最近有新嘢出,平時機舖練打拳力度嘅遊戲機見得多,呢個特別啲,專門練手指彈擊力嘅,名為「デコピンパンチキング」,仲跟埋數值咭,可以同朋友對戰,或者跟返咭上嘅數字彈出一樣嘅力度號碼,啱晒開party玩,日本預計10月底發售,賣3980円。

Read more ›
【相集】超創意玩具攝影    點「超級英雄」做家務
by / on 31/08/2018 at 7:43 am

【相集】超創意玩具攝影 點「超級英雄」做家務

有咩爽得過可以點一班超級英雄幫你做嘢?馬來西亞嘅Wire Hon好有創意,諗到用屋企啲模型設定場景,再配合埋特別角度,將自己置身其中,全部都係用部手機拍攝。你會見到佢點Batman去拖地、請變形俠醫飲汽水、叫雷神放好盆盆栽,唔止自己玩,佢嘅老婆同仔仔都一齊玩,老婆仲好玩得,有張佢搭住黑寡婦遠走高飛,老婆就趴喺地下俾支槍指住,相係係唔少男人嘅終極幻想。

Read more ›

本週人氣

7712 views

《銀魂》完結篇最後畫面 原來……

7188 views

Nintendo Switch Online遊戲列表 20隻經典周三有得玩

6031 views

新片速報 陳年街機合作幾打 《Capcom Belt Action Collection》網上連線

5101 views

日本「裝銀仔」神器 網民推介Twitter熱傳

4858 views

理想與現實 日本宅男形象圖Twitter熱傳