玩具資訊

《山海逆戰》Q版勾徹Figure 2019年發售
by / on 19/01/2019 at 8:45 am

《山海逆戰》Q版勾徹Figure 2019年發售

臨訓前,習慣瀏覽面書,驚覺邱福龍喺面書Post張相,兼留低咗幾隻字曰:「做了發光地枱!2019公開發售」Wow,呢個Q版《山海逆戰》勾徹Figure,造型真係正到啪啪聲,仲要識發光,好難唔買,唔知賣幾多錢呢?同埋,話就話2019,咁究竟係邊個月份呢?好心急。

Read more ›

南記 x Tiny微影 推40週年Hiace送貨車$69
by / on 17/01/2019 at 7:31 pm

南記 x Tiny微影 推40週年Hiace送貨車$69

食過三兩次「香港仔南記粉麵」,感覺尚算抵食夾大件,食物唔覺好特別,叫做啱口味咁喇;但呢架聯乘「Tiny微影」推出嘅香港仔南記40週年Hiace送貨車呢,我卻極有興趣,因為我有鋪儲車仔癮。大黃主調色,係槍眼嘅,標榜有真車拉花咁話喎,每架$69,值得成為我飾櫃一員。

Read more ›
「奶茶通俗學」揮春組合$68
by / on 17/01/2019 at 9:00 am

「奶茶通俗學」揮春組合$68

大家買咗揮春未?未的話,可以考慮「奶茶通俗學」推出嘅揮春組合,祝福語有「常滿」、「發過豬頭」同「飲飽食醉」,異常啱聽啱睇,一套三款$68,可以一撐。

Read more ›
日本必買手信 推出第3彈「富士山」模型
by / on 13/01/2019 at 11:16 am

日本必買手信 推出第3彈「富士山」模型

繼「東京鐵塔」同「大阪城」之後,嚟到第3彈終於到「富士山」出場嘞!日本公司PLEX公佈咗呢座富士山模型,最近有多啲相睇,照舊未砌前會見到「富士山」三隻字,拆出嚟砌起就會變咗座立體富士山,仲有貼紙可以貼喺頂模仿返積雪效果,有藍色同夜光色兩款,預計4月推出,做手信一流呀。

Read more ›
東京都地下鐵全路線 超強大製作Twitter熱傳
by / on 13/01/2019 at 11:06 am

東京都地下鐵全路線 超強大製作Twitter熱傳

好癲!日本呢位神人之前都砌過鐵路模型,今次仲要係東京都內嘅地下鐵全路線!好似佢講咁,用相片都係難以傳達有幾震憾,今日同聽日喺埼玉縣有展覽,去開附近有興趣嘅可以去睇吓,入嚟有多啲資料。

Read more ›
日本「空箱職人」新作品 Moonlight曲奇變超靚鐘樓
by / on 13/01/2019 at 10:54 am

日本「空箱職人」新作品 Moonlight曲奇變超靚鐘樓

日本超勁嘅「空箱職人 はるきる」又有新作,佢擅長將食物紙變成超靚紙模型,繼品客薯片同最近嘅牛奶妹之後,最新有呢款Moonlight cookie,變成一楝超靚嘅鐘樓古堡,仲有個月亮形狀嘅曲奇吊住,細心留意會發現個鐘上面嘅字都係Moonlight,超細緻!佢仲帶起咗重製紙盒嘅熱潮,唔少網民都上載自己嘅作品俾佢點評,入嚟有回帶。

Read more ›

日本「拒否犬」扭蛋第3彈 頭部可扭動/瞓地超可愛
by / on 11/01/2019 at 7:52 am

日本「拒否犬」扭蛋第3彈 頭部可扭動/瞓地超可愛

拒否犬真係好得意,日本扭蛋公司QUALIA之前都出過拒否犬扭蛋,最近公佈推出第三彈,今次隻拒否犬個頭仲可以扭動,玩法又多咗。仲有成個攤喺地唔肯返屋企嘅款式,超搞笑!3款動作、3種毛色,1套總共有9隻,預計2月頭發售,鍾意柴仔嘅記住留意返嘞。

Read more ›
台灣扭汽球神人 20小時扭出超3D麒麟
by / on 10/01/2019 at 10:45 am

台灣扭汽球神人 20小時扭出超3D麒麟

睇完台灣國三生面書專頁「洪呆呆氣球工坊」,我都呆咗。普通婚宴用新郎新娘氣球公仔已經好小兒科,甚麼死侍、雷神、Iron Man等超級英雄亦難唔到呢個扭氣球神人;再升Grade,用汽球扭件真係著得上身嘅One-Piece裙亦得;再升多一個Grade,有呢隻花咗20小時完成嘅超立體麒麟,好巨形,雖然話係空氣,但一個人拎起都應該好甘頂。不過話時話,俗語有謂火麒麟周身癮,點解唔用紅色橙色或金色氣球扭嘅?

Read more ›
日本巨型鯊魚睡袋 網民出圖回應Twitter熱傳
by / on 10/01/2019 at 7:16 am

日本巨型鯊魚睡袋 網民出圖回應Twitter熱傳

呢隻好似IKEA嘅鯊魚嘅巨型睡袋,有無令你好想買返個?日本有網民分享咗,其他網民反應超熱烈,有人出動畫圖回應,有人話已經買咗,用咗佢發夢會唔會夢到自己俾鯊魚吞落肚?BTW,個睡袋賣5萬円,入嚟有link,而家預約3月中發貨。

Read more ›
鐵寶奇盒玩雞蛋仔+格仔餅 黃金窩夫TinBot出場
by / on 09/01/2019 at 7:25 pm

鐵寶奇盒玩雞蛋仔+格仔餅 黃金窩夫TinBot出場

「鐵寶奇盒」推出嘅TinBot有得玩有得砌,係幾過癮嘅,我都買咗「老夫子」同「綠寶」呢兩款;而嚟緊,我打算買第三個「Golden Waffle」。照字面直譯,即係「黃金窩夫」,睇埋相,原來係疑似黃金俠聯乘格仔餅加雞仔蛋造型,配件有鐵Pan同一底已完成雞蛋仔,好鬼趣緻。黃金窩夫將會喺「Hong Kong Culture Exhibition」展出,展場叫「Streams Gallery」,同場仲有大把涉及香港文化嘅各類展品,大家有時間的話,不妨撐撐場。

Read more ›
日本「假冒動物」扭蛋 貓仔狗仔揭開「頭套」真面目
by / on 09/01/2019 at 7:14 am

日本「假冒動物」扭蛋 貓仔狗仔揭開「頭套」真面目

日本嘅扭蛋一向好有創意,最新有呢個「假冒動物」系列,貓仔狗仔打開個頭套之後,原來係另一個樣!即係好似著咗cosplay服咁,好可愛。除咗貓同狗之外,仲有一款動物亂入,係河馬扮大象呀!系列預計4月推出,想買嘅記住留意返,入嚟有得回帶睇返之前出過嘅系列,都好正。

Read more ›

超搞笑埃及「貓身貓面像」 日本奇譚扭蛋4月推出
by / on 08/01/2019 at 7:41 am

超搞笑埃及「貓身貓面像」 日本奇譚扭蛋4月推出

日本扭蛋公司奇譚經常都出貓產品,除咗大受歡迎嘅貓頭套之外,呢款埃及獅身人面轉化而成嘅「貓身貓面像」都超可愛。頂埃及特色帽可以拆落嚟,一式五款,最正係其中一款隻貓真係石像風嚟嘅,超搞笑。預計4月發售,貓奴們記住留意返嘞。

Read more ›
【有片】超靚《One Piece》立體雕花時鐘 製作過程快鏡睇
by / on 07/01/2019 at 7:21 am

【有片】超靚《One Piece》立體雕花時鐘 製作過程快鏡睇

呢段片來自抖音,而家喺日本嘅Twitter好多人RT,作為One Piece嘅fans應該睇得特別開心。睇片見設計師將一張張咭紙雕空,再一層一層叠起,造成超立體嘅One Piece咭,之後再裝埋電同鐘,變成一個識著燈嘅One Piece掛鐘,超靚!入嚟有片睇晒成個製作過程。

Read more ›
【圖集】超級英雄「放假悠閒生活」 超正10年相集回顧
by / on 06/01/2019 at 11:54 am

【圖集】超級英雄「放假悠閒生活」 超正10年相集回顧

超級英雄都要放假,唔駛開工嘅時間仲要佔大多數,佢哋平時會做啲咩?外國動畫特效設計師David Cubero本身都係玩具迷,仲好鍾意攝影,自2009年開始就拍攝超級英雄嘅業餘生活,儲儲埋埋大量相片,仲會加入特效,有時又會有其他日本動漫角色例如悟空、小雲等亂入,入嚟有得回帶,鍾意嘅可以follow埋佢IG。

Read more ›
日本「迷你食物模型」套裝 串燒盛合/海鮮丼超精緻
by / on 05/01/2019 at 3:01 pm

日本「迷你食物模型」套裝 串燒盛合/海鮮丼超精緻

嚟到星期六日,食好嘢都好合理吖。有玩開玩具攝影嘅都會發現,要搵迷你嘅日本食物唔容易,日本 M.I.C. 公司最近開發咗呢個食物系列,有串燒盛合、滑蛋豬扒丼、饅魚丼、天婦羅丼、刺身海鮮丼、烤鯛魚合共六款食物,睇落幾細緻,仲好似好好味咁,12月底有得買,售價1539円,鍾意嘅記住留意返嘞!

Read more ›

本週人氣

10696 views

日本怕凍貓坐太近暖爐 貓鬚鬈晒好可憐

8110 views

本名再現!25歲三上悠亜出圖回憶成人式

7779 views

睇咗未?36歲深田恭子新日劇開播 網民截圖話好可愛

6258 views

【有片】全100期《Gundam MS Bible》 每期一機體超詳盡介紹

5663 views

今個月有得扭 扭蛋球狀變高達頭