動漫資訊

きゃりーぱみゅぱみゅ現身《蠟筆小新》 1月25日放送
by / on 21/01/2013 at 5:13 pm

きゃりーぱみゅぱみゅ現身《蠟筆小新》 1月25日放送

你鍾唔鍾意きゃりーぱみゅぱみゅ(Kyarypamyupamyu)?鍾意嘅就要留意喇,因為佢唔只做聲優幫《蠟筆小新》配音,仲會有動畫造型嘅動畫中登場!配音工作已經完成,該集動畫會喺1月25放送。

Read more ›

孖寶大魔王沙雕    比堅尼西人陪堆沙
by / on 20/01/2013 at 2:43 pm

孖寶大魔王沙雕 比堅尼西人陪堆沙

唉,之前東京落大雪,見倒好多雪人初音、索柏,我都好想香港落雪呀!差啲唔記得,熱帶地方仲可以玩沙雕!呢隻超巨型瑪利奧隻大魔王Bowser,個樣惡得嚟又趣緻,仲有手指甲,由阿根廷藝術家Maria Paula Molina親自堆砌,係呀,沙灘玩泥沙都可以叫藝術家,佢仲威到有比堅尼女仔陪佢去沙灘,仲唔只一個,有兩個呀!趁未到夏天,大家快啲去沙灘練定功,今年暑期就係你大顯身手嘅時候嘞!

Read more ›
強國二次創作 三國版《變形金剛》柯柏文
by / on 19/01/2013 at 2:30 pm

強國二次創作 三國版《變形金剛》柯柏文

二次創作嚟講,呢隻中國三國版嘅永遠博派領袖柯柏文,實在係畫得幾有型。呢位畫師叫張旺,一直都畫開水墨畫,之前都作品唔係話唔靚,不過就冇乜特別囉。今次突然身痕畫咗張柯柏文就可以話一鳴驚人,連外國網站都有報導,難怪佢喺自己個blog度牙斬斬,但係,佢由始至終都好似冇提過係抄變形金剛喎……

Read more ›
裸體彩繪扮漫畫  藝術家畫上身
by / on 19/01/2013 at 1:45 pm

裸體彩繪扮漫畫 藝術家畫上身

我都掙扎咗一陣寫唔寫呢單news,因為啲女主角面青青有啲驚嚇,但係我諗通咗,藝術係唔應該帶有色眼鏡,而且呢個外國藝術家Emma Hack真係好厲害。先講呢輯名為「Pop!」嘅作品,幾位裸體美女塗上Pop Art(普普藝術)風格嘅服裝,再企喺相似嘅背景板前,將佢哋融入變成漫畫嘅一部份,好醒神好似睇緊真人漫畫一樣。另外,Emma Hack上年仲設計咗一件好勁嘅人體藝術品,搵嚟17位模特兒砌成一架撞毁咗嘅爛車,裡面有圖有片,開吓眼界都好。

Read more ›
日本雅虎「多啦A夢道具設計大賞」   「尿意儲存棒」狡猾奪冠
by / on 19/01/2013 at 12:22 pm

日本雅虎「多啦A夢道具設計大賞」 「尿意儲存棒」狡猾奪冠

多啦A夢嘅法寶入面,我最想要停止時間秒錶同埋隨意門(兩樣加埋),可以停止時間再去銀行攞少少錢駛,再去餐廳食餐勁!日本雅虎最近頒發多啦A夢道具設計比賽大獎,最後由50歲嘅本城莉映倖女士勝出,佢設計嘅道具就係「尿意儲存棒」!說話日本人最鐘意飲啤酒,飲完幾杯搭地鐵急起上嚟都幾大件事,呢支儲存棒可以將尿意儲起,之後儘快將支棒傳比其他人就搞掂,非常狡猾!最開心係得獎道具將會喺三月份嘅多啦A夢入面真實出現,唔知到時係咪由大雄傳比胖虎呢?

Read more ›
星戰Death Star起唔成  飲杯Death Star冰酒定神吧!
by / on 18/01/2013 at 4:17 pm

星戰Death Star起唔成 飲杯Death Star冰酒定神吧!

美國白宮否決議案,造價85億兆美金嘅Death Star起唔成,星戰迷飲恨,唯有邊飲Death Star大冰製嘅白蘭地,邊睇而家特價緊嘅星戰Boxset定定神吧!呢個製冰器可以製造直徑2.4吋嘅Death Star圓球狀大冰,仲可以用嚟整朱古力,網站Think Geek有得賣 ─ 本來,因為可能太多失意人,所以啱啱賣斷貨。但我個心仲係好唔舒服好想飲酒發洩點算?咁你買呢個星戰Death Star開瓶器啦,$19.99美金,入面有圖有link,自己飲飽佢啦!

Read more ›

即食Cosplay 緊身衫變身 渣古 比卡超
by / on 18/01/2013 at 4:12 pm

即食Cosplay 緊身衫變身 渣古 比卡超

噚日Share咗張貼身龍貓衫相,引嚟各界人士不安,為表歉意,今日決定嚟個大晒冷,出埋其他好嘢!個人嚟講最鍾意就係呢件渣古緊身衫,單眼佬造型唯肖唯妙,絕對能夠表達出渣古作為嘍囉嗰份無奈同大愛精神。另外,仲有比卡超、鹹蛋超人、Mario、戰隊系列、藍精靈等等。賣2千幾円至3千幾円不等,著住佢去跑馬拉松或者游水,羡煞旁人。

Read more ›
英雄秘密生活  挖鼻刷牙裝假狗
by / on 18/01/2013 at 3:46 pm

英雄秘密生活 挖鼻刷牙裝假狗

喺高官會僭建,名人會影裸照嘅年代,英雄刷牙挖鼻裝假狗有咩出奇?外國藝術家Greg Guillemin創作出名為「The Secret Life of Superheroes」嘅插畫系列,將Marvel同埋DC英雄鮮為人知嘅一面展露人前。入面見倒蝙蝙俠刷牙、超人挖鼻孔、Wonder Woman拯救地球前裝假狗,再大膽啲蝙蝙俠基情橫溢打車輪同埋露點相都有。藝術有價,所有8”X9”嘅Art Print賣$18美金起,講真,我都想買一輯返屋企珍藏。

Read more ›
SoftBank免費音樂App  秋田犬爸爸學Rap歌
by / on 18/01/2013 at 12:26 pm

SoftBank免費音樂App 秋田犬爸爸學Rap歌

我好鐘意睇日本廣告,其中又以SoftBank廣告嘅白色秋田犬最得我歡心,佢個樣夠晒憨直,而呢隻秋田犬仲係一系列白戶家廣告嘅主角,係一家人入面嘅「爸爸」角色,夠晒趣怪。講返正題,SoftBank為慶祝連續五年成為日本最受歡迎電訊供應商,最近推出一個名為「ラップお父さん」嘅免費Apps,都係以「爸爸」做主角。呢個app主要玩Rap及DJ Mix,可以加音樂,再按掣揀唔同嘅短句,組合成唔同風格嘅rap音樂,仲可以玩埋捽碟,玩完可以錄底放上facebook share,下面有示範片睇。不過最讚都係版面設計,全白底加鉛筆繪畫,睇落好特別,特別lo-tech,特別可愛。

Read more ›
新片速報 宅女愛作戰第3集 女機迷求Player 2
by / on 18/01/2013 at 10:39 am

新片速報 宅女愛作戰第3集 女機迷求Player 2

呢個「Geek Love」節目,係之前Comic-Con搞嘅宅男宅女配對活動,上星期睇過鍾意Cosplay,扮《Lollipop Chainsaw》啦啦女嘅肥妹仔搵男友,今集就輪到叫Brittany嘅女機迷搵人同佢晚晚雙打。我都唔明呢個Brittany點解會冇男友,日頭係幼稚園教師,夜晚鍾意打射擊遊戲,最後就揀咗一個平平實實嘅毒男約會,噢!仲擁抱添!香港有冇類似嘅女機迷想搵Player 2呀?

Read more ›
挑戰極限 真人龍貓衫
by / on 17/01/2013 at 5:03 pm

挑戰極限 真人龍貓衫

係,呢隻係龍貓,呢件係龍貓衫,貼身嘅剪裁令到Model嘅身材盡現,細緻嘅圖案一睇就令人認得出係日本動畫大師宮崎駿嘅作品《龍貓》。Milanoo網站有得賣,網站仲有短片睇,39.99美金,買定下年萬勝節啦。

Read more ›

新書推介《墮落部屋》解構日本宅女基地
by / on 16/01/2013 at 11:47 pm

新書推介《墮落部屋》解構日本宅女基地

日本宅男多,宅女一樣唔少,毒男房間要有Figure有漫畫有鐵道模型有AV,或者簡單啲,有電腦有紙巾就好舒服,咁腐女呢?日本啱啱就出咗本《墮落部屋(Daraku Room)》寫真,作者叫川本史織,有160頁,深入宅女部屋,有啲掛滿BL海報,有啲就滿屋都係公仔、Figure,多嘢得嚟夠晒亂,如果有個咁嘅女朋友,安坐家中能知天下事之餘,我諗仲會有一樣好溫暖好溫馨嘅感覺……

Read more ›
新作決定!《攻殻機動隊ARISE》延續「STAND ALONE COMPLEX」
by / on 16/01/2013 at 11:28 am

新作決定!《攻殻機動隊ARISE》延續「STAND ALONE COMPLEX」

《攻殻機動隊》係士郎正宗喺1989年推出嘅經典作品,而自1995年押井守監督嘅「GHOST IN THE SHELL/攻殻機動隊」之後,仲有2002年由神山健治監督嘅「攻殻機動隊 STAND ALONE COMPLEX」,之後「攻殻機動隊 S.A.C. 2nd GIG」、「攻殻機動隊 STAND ALONE COMPLEX Solid State Society」。啱啱官方就公佈會喺2月12日舉行正式發佈會,故事會延續上一套動畫繼續發展。

Read more ›
狂賀!《Evangelion新劇場版:Q》票房收入突破50億円
by / on 16/01/2013 at 11:16 am

狂賀!《Evangelion新劇場版:Q》票房收入突破50億円

11月17日上映,到今日已經兩個月,香港仲未有確實上映日期,之前收到風話春天上映,希望係真啦……日本方面,頭兩日收11億、10日收30億,兩個月後強勢依然,截至1月12日合共收咗50億円票房,共有363萬4161人次睇過,仲會喺1月26日開始發展至全國100間戲院上映!唉,快X啲啦!

Read more ›
稲垣早希又嚟 明日香take嘢衰硬
by / on 16/01/2013 at 10:56 am

稲垣早希又嚟 明日香take嘢衰硬

日本人自細就睇動漫,大個咗都冇話變心,依然熱愛動畫。所以,政府想叫大家唔好吸毒,都要靠《Evagelion》嘅明日香。呢兩張海報係「大阪府藥劑師會」搵嚟現實版明日香稲垣早希拍攝嘅,佢黑口黑面咁對住你打交叉叫「打咩」,都係唔想你食大麻啫。

Read more ›

本週人氣

17864 views

日本打機YouTuber Tenchim出圖 理想與現實的女Gamer

11437 views

《多啦A夢》中學時代圖日本熱傳     大雄玩伴各散東西

6840 views

十萬個激嬲女友的理由出Boardgame 情侶啱玩

6672 views

【有片】真心佩服!外國推出成人版「The Laygo Movie」

6334 views

日本超正扭蛋「機械臂袖套」     中二病患者啱用