動漫資訊

饅頭Blog11/20 「霜月式」校服版凌曉雨
by / on 20/11/2012 at 10:38 pm

饅頭Blog11/20 「霜月式」校服版凌曉雨

饅頭(叔叔?)正式喺GameoverHK連載個人專欄,每兩周一篇(減少了,因為已經開學,所以勤力用功的饅頭很忙啊!),想探討外表是少女內心是大叔的饅頭內心世界,快Like GameoverHK Facebook專頁,每次update都會提提你! http://www.facebook.com/GameoverHK       想回顧饅頭昔日文章,可以揀選網站內嘅「專題熱話」。

Read more ›

真人版《變態超人》開拍 「HK」為標題!
by / on 20/11/2012 at 3:23 pm

真人版《變態超人》開拍 「HK」為標題!

嘩!你哋有冇睇過《變態超人(変態仮面)》?即係一笠條女性底褲上個頭,就會有異於常人嘅能力,之後佢會爆晒啲衫,將自己條底褲兩邊扯上膞頭,而誇下嘅腐皮壽司,就係佢警惡鋤奸嘅最強絕招……呢套90年喺《少年Jump》連載、安土慶周原作嘅漫畫竟然會拍真人版!事源日本上緊嘅《Evangelion新劇場版:Q》放映前就有15分鐘預告,真人加CG變身!仲彈出「HK」兩隻字,不過應該唔關香港事,同埋未公佈主角陣容。

Read more ›
加菲貓x聾貓 青衣玩橙色聖誕
by / on 20/11/2012 at 3:08 pm

加菲貓x聾貓 青衣玩橙色聖誕

  今年聖誕好多商場都玩主題,青衣城啱啱都有新相片發報,竟然係玩「加菲貓x聾貓」合體,6.5米蛋蛋形加菲壓場,我係真心Fans,無得話唔去啦!今日我仲反串扮聖誕女郎,玩得非常開心,橙色嘅聖誕節,真係相當奇特!

Read more ›
新片速報 貞本義行角色設計 平治新車拍動畫宣傳
by / on 20/11/2012 at 12:29 pm

新片速報 貞本義行角色設計 平治新車拍動畫宣傳

喺日本,咩都同動畫有關,咩都可以靠動畫宣傳,就算名牌如平治Mercedes Benz拍廣告,都搵嚟《Evangelion》嘅貞本義行拍住Production I.G製作動畫宣傳片!呢條片為宣傳全新A-Class下年1月喺日本推出,見到班底都知唔會流,6分鐘動畫講未來東京因交通擠塞問題而將道路同建築改建,每日唔同時段都會變型轉位,而主角們就喺呢個未來東京市揸住架A-Class飛車……

Read more ›
新片速報 EVA:Q × FUJI:Q列車內外睇盡
by / on 20/11/2012 at 10:01 am

新片速報 EVA:Q × FUJI:Q列車內外睇盡

呢幾日,係我人生中最後悔自己唔學好日文,讀好啲書,搵份好工,喺11月17日請定假買定機票飛過日本睇EVA……不過,誓去感情如何留得住?不如大家向前看,快啲籌備日本之旅,睇戲之餘去埋富士急!之前報導過去富士急樂園嘅電車會有EVA主題車,o依家有片睇,唔好以為初號機同2號機係兩架呀,只不過係一邊頭係初號機,另一邊係2號機,車廂有等身大綾波麗貼紙,仲有勁多海報,連扶手都寫住主角嘅名句……嗚!

Read more ›
新片速報《One Piece Film Z》最新預告
by / on 19/11/2012 at 3:01 pm

新片速報《One Piece Film Z》最新預告

日本12月15日上映、尾田栄一郎原作、長峯達也監督嘅《One Piece Film Z(ワンピース フィルム ゼット)》台灣就下年1月上,香港不知何年何日有得睇。各位OP迷,你哋o依家明我嘅心情啦?明我冇得睇EVA嘅心情啦?唉,入面係最新預告片,睇完你個身會仲痕,不過為咗路飛,夥伴們,我哋一齊鼓起勇氣click入去啦!

Read more ›

香港12月6日上映《魔導少年劇場版:鳳凰巫女》中文預告
by / on 19/11/2012 at 2:43 pm

香港12月6日上映《魔導少年劇場版:鳳凰巫女》中文預告

呢排真係好多動畫上,不過經驗係上映日期唔會長,時間唔會多,嚟緊就係呢套之前日本動畫賞都上過嘅《魔導少年劇場版:鳳凰巫女》,12月6日喺德福MCL上映。由A-1 Pictures製作,原作真島浩全程監修,藤森雅也導演,入面有中文版預告,我想講,德福真係動漫迷嘅好去處呀!

Read more ›
官網有片有GAME玩《3D無敵破壞王》經典遊戲壞人聯盟
by / on 18/11/2012 at 5:26 pm

官網有片有GAME玩《3D無敵破壞王》經典遊戲壞人聯盟

如果你係70、80後,一定玩過一隻叫《Fix-it Felix》嘅8-Bit遊戲,名可能唔記得,但一睇倒畫面,見到大舊衰Ralph成日搞破壞打爛晒楝酒店啲窗,懶勤力嘅Felix(玩家)博晒命修補啲爛窗,真係好懷念!嚟緊有套迪士尼動畫《3D無敵破壞王》12月20日上畫,就係用呢個壞蛋Ralph做主角,講佢厭倦咗做壞人,於是闖入唔同遊戲入面攞英雄徽章,仲搵咗黃秋生同G.E.M配音。不過最搶眼係搵嚟好多遊戲嘅經典壞人客串,包括《街霸》嘅蘇聯佬、司令、食鬼入面隻幽靈、瑪利奥隻大魔王Bowser、超音鼠嘅蛋頭博士等等,星光熠熠呀!最驚喜係我居然喺官網入面搵倒《Fix-it Felix》嘅免費試玩版,消磨咗我成個下晝,信我,個網好多嘢玩,堅推介你入嚟睇!

Read more ›
《一騎當千》真人舞台劇 一樣玩爆衫
by / on 18/11/2012 at 1:10 pm

《一騎當千》真人舞台劇 一樣玩爆衫

動漫作品改編成為舞台劇,近年喺日本都好興,繼之前《戰國Basara》、《Macross》同《女神異聞錄》之後,今次就有塩崎雄二原作嘅《一騎當千》,演員陣容有中村靜香、沢井美優等等。有睇過動漫畫嘅都知,裏頭啲孫策伯符、呂蒙子明、呂布奉先個個係有勁爆身材嘅靚女,打交乳搖之餘仲次次都要打到爆晒衫,剩番三兩塊布遮住重點……而據報導講,呢套真人舞台劇,會忠於原著,一樣會喺舞台上面玩爆衫!

Read more ›
本周Coser 完美真人綾波麗 水谷望愛
by / on 17/11/2012 at 10:45 pm

本周Coser 完美真人綾波麗 水谷望愛

今日我忐忑不安,心緒不寧,我諗係關日本上映《Evangleion新劇場版:Q》事,我唔敢亂search,驚見到劇透,但同時又想率先知道今集劇情,好矛盾好亂!既然係咁,唯有搵啲嘢引開自己注意力,就係呢個23歲嘅水谷望愛。實際上,佢唔算係Coser,應該叫佢女優比較合理,17歳參加「全日本國民美少女」出道,2010年參與SUPER GT「TEAM RUNA エヴァンゲリオンレーシング」剪個綾波麗頭著套緊身衫做Racing Queen即時妥晒!原來佢仲幫《グラビアJAPAN》影過水著,仲參與過《人中之龍 4》!我本來諗住揀相,但張張相當我想delete時,右手食指都唔受控click唔落……仲有片睇,入嚟睇啦喂!

Read more ›
高約23cm,拍埋櫻木度矮一截,正常。
by / on 17/11/2012 at 8:20 pm

到貨開箱 宮城良田$588 地板合唔埋!

好嘢!收到風14號日本出嘅宮成良田到貨,即時火速去入手!呢個由井上雄彥監修、鈴木剛做原型製作嘅「The spirit collection of Inoue Takehiko」系列,繼宮本武藏、櫻木花道之後嚟到第三彈,面相衫褲鞋絕對對辨,尤其是寸寸貢個樣真係冇得頂,要彈就係對Converse Accelerator冇咗星星logo啫,算!櫻木對AJ  I都冇Nike Logo。但最令我手足無措嘅係,當我滿心歡喜諗住將佢哋個木地板地台合體時……竟然發現合唔埋!你好嘢!其實你唔出呢招,我都會買埋另外幾個啦!日本定價6,930円,皆旺地庫開$588,合理。多圖入嚟睇!

Read more ›

潮人潮文周柏豪 網友落力改圖
by / on 17/11/2012 at 4:53 pm

潮人潮文周柏豪 網友落力改圖

周柏豪到底做錯啲咩呢?錯在潮囉,錯在寫潮文囉。佢本身鍾意打籃球,亦係橫州工業嘅球員,Adidas街頭籃球搵佢影宣傳照,好理所當然吖!可能因為咁,好多人支持佢,將佢張宣傳圖改完又改,將呢個籃球潮人變身成《寵物小精靈》嘅小智、《火影忍者》嘅鳴人、《拳王》嘅八神,仲有,唔少得將佢嘅經典潮文重現一次,拋波變成拋玻璃杯……雖然比賽都完咗,但呢幾張相我啱啱先睇到,覺得好值得分享,改圖嘅,真係高手,高在個意境。

Read more ›
新宿現場實況《Evangelion新劇場版:Q》零時上映 13號機現身!?
by / on 17/11/2012 at 1:57 pm

新宿現場實況《Evangelion新劇場版:Q》零時上映 13號機現身!?

今日(17日)喺日本上映,噚晚零時12點喺新宿就有「世界最速上映」嘅第一場《Evangelion新劇場版:Q》,排晒長龍,日本《Fami通》去咗影現場實況,戲院勁多佈置,天花仲有隻第8使徒,好多人喺地下扮初號機舉高雙手頂住佢……仲有cosplayer,仲有好多嘢賣,仲有場刊入面EVA 13唬機現身…….我唔係唔想理同事嘅意見,佢哋話我出得太多《Evangelion新劇場版:Q》嘅報導,而係我控制唔到自己呀!我一見到有關今日喺日本上映嘅EVA新聞,對手就不自覺咁save啲圖,再不停打字……

Read more ›
新片速報 西人扮Snake/復仇者通街搞人
by / on 17/11/2012 at 10:13 am

新片速報 西人扮Snake/復仇者通街搞人

呢個「in Real Life」系列,已經拍過好多條片,主要都係扮動漫同遊戲角色喺真實世界搞事。呢條新剪輯嘅片段就係Snake喺日常生活中潛入唔同地方……最後笠紙箱都冇用,俾警察拉咗。老實講,有啲無聊,反而另外兩條《刺客教條》同《復仇者聯盟》仲好笑,留意美國隊長,用雨傘嚟扮盾牌……

Read more ›
新片速報 宇多田光《Evangelion新劇場版:Q》主題曲MV
by / on 17/11/2012 at 9:45 am

新片速報 宇多田光《Evangelion新劇場版:Q》主題曲MV

唔好意思,又係《Evangelion新劇場版:Q》,俾我講埋呢段啦!日本今日上映,宇多田光再次主唱新主題曲,歌名叫〈桜流し〉。呢段MV冇動畫冇綾波冇明日香冇宇多田光,歌詞講母愛,所以臨尾有一段影住個BB,剪臍帶……至於首歌,我個人都係鍾意〈Beautiful World〉多啲,不過,睇番套動畫可能會改觀……

Read more ›

本週人氣

13144 views

日本熱傳小情侶插圖 表面純愛暗藏歡樂

5815 views

阿爸阿媽當年好型 日本網民分享40年前舊照

4394 views

【相集】「超級英雄BB」系列 蜘蛛俠B倒吊好曳

3775 views

被惡搞 地下偶像變《遊戲王》「封印されしエクゾディア」

3373 views

【撞樣】名牌手袋超似「拉打」Decade 相似度100%日本Twitter熱傳