動漫資訊

一葉賓館Fans Club 會員證似鎖匙有辦睇
by / on 07/01/2019 at 3:00 pm

一葉賓館Fans Club 會員證似鎖匙有辦睇

之前報導話鄭健和乘住推新書《三國誌異》個勢,搞一葉賓館Fans Club,家陣會員證有辦睇喇。會員證都做得幾有心思,成條賓館房間鎖匙咁款,仲有大大個封先生Logo添。

Read more ›

2019年港漫第一砲 《司徒劍僑畫集》$300要搶
by / on 07/01/2019 at 1:28 pm

2019年港漫第一砲 《司徒劍僑畫集》$300要搶

呢本要買呀,我一定買呀,港漫2019年第一個重頭砲《司徒劍僑畫集》開訂呀喂!嚴選司徒劍僑入行35年以來十幾套作品,用今日畫風重新演繹一次,另加未曝光畫作,再送多張八仙道3D立體畫,每本$300,留意番,限量400本,要搶架。未講完,更更更重頭砲嘅有尊貴手繪版《司徒劍僑畫集》,附邱福龍聯乘司徒劍僑聯手繪畫印刷畫板一幅,每本有獨立編號,盛惠$2888,限畫35本,更加要搶。

Read more ›
【有片】超靚《One Piece》立體雕花時鐘 製作過程快鏡睇
by / on 07/01/2019 at 7:21 am

【有片】超靚《One Piece》立體雕花時鐘 製作過程快鏡睇

呢段片來自抖音,而家喺日本嘅Twitter好多人RT,作為One Piece嘅fans應該睇得特別開心。睇片見設計師將一張張咭紙雕空,再一層一層叠起,造成超立體嘅One Piece咭,之後再裝埋電同鐘,變成一個識著燈嘅One Piece掛鐘,超靚!入嚟有片睇晒成個製作過程。

Read more ›
【圖集】超級英雄「放假悠閒生活」 超正10年相集回顧
by / on 06/01/2019 at 11:54 am

【圖集】超級英雄「放假悠閒生活」 超正10年相集回顧

超級英雄都要放假,唔駛開工嘅時間仲要佔大多數,佢哋平時會做啲咩?外國動畫特效設計師David Cubero本身都係玩具迷,仲好鍾意攝影,自2009年開始就拍攝超級英雄嘅業餘生活,儲儲埋埋大量相片,仲會加入特效,有時又會有其他日本動漫角色例如悟空、小雲等亂入,入嚟有得回帶,鍾意嘅可以follow埋佢IG。

Read more ›
失戀+坐監+凌霸 日本畫師畫「Gundam之日常」
by / on 05/01/2019 at 10:00 am

失戀+坐監+凌霸 日本畫師畫「Gundam之日常」

好明顯係大愛呀,日本畫師「ガンダム百景」真係好愛Gundam,鍾意到喪畫「高達之日常」。喺佢筆下,高達完全擬人化,會失戀、要做地盤工、會去旅行、會變成高高達一等嘅Celebity、要上堂、會凌霸、要行山劈柴、會踩單車、會犯罪坐監等等等等。畫作係幾過癮嘅,我貪心啲,如果有埋Bubble對白,成幅畫有Message帶到出嚟,會更好。

Read more ›
繼續撐!復刻《龍虎門》275期開始加價至$20!
by / on 04/01/2019 at 11:00 am

繼續撐!復刻《龍虎門》275期開始加價至$20!

終於睇齊喇,今期第271期復刻《龍虎門》出咗個啟事,話將會由第275期開始加價至$20。區區三大元,相信大家都唔會Care,反而大家關心嘅係,究竟會復刻到幾時?「創造館」亦畀埋答案──「會繼續出版,最理想是出版至566期,亦即是王小虎手刃火雲邪神的最後一期為止」,咁就好咯,數手指仲有差唔多300期,亦即係仲有6年睇,安樂晒。

Read more ›

牛佬《古惑仔》又抽水 估唔到十三妹投陳浩南一票
by / on 04/01/2019 at 10:30 am

牛佬《古惑仔》又抽水 估唔到十三妹投陳浩南一票

畢竟係三日刊,係有啲拖橋架嘞,但牛佬係好嘢嘅,喺適當時候抽水,再加一個估你唔到嘅三百六十度扭上扭上扭橋,成本公仔書即刻生猛番晒,追看性大大提高。今期第2197期《古惑仔》,我幾鍾意「洪興」白紙扇陳耀戙出嚟主持公道一幕,佢認為投票選老頂應該嚴肅處理,程序要均真,話:「最起碼,唔應該學似我哋特區選特首咁樣亂咁嚟,係咪咁講呀?」直頭係咁講喇,唔知「好打得」同一班高官睇完有無感想呢?又,最尾一格,十三妹居然調轉槍頭投陳浩南一票,激到韓賓死死吓,呢下真係估牛佬唔到,唔通十三妹、陳耀同陳浩南老早串通埋?為免被臥底浩然指證,夾硬扯韓賓下馬,由南哥一個人頂晒?

Read more ›
門小雷2019年新作 《中二少女山海經》網上連載
by / on 04/01/2019 at 10:00 am

門小雷2019年新作 《中二少女山海經》網上連載

2019年,門小雷有新作正式網上連載,要課金畀錢先有得睇嗰隻。新作名叫《中二少女山海經》,以門小雷手筆,公仔水準不用懷疑,但齋睇作品名字真係估唔到內容講乜,但見Post圖男主角有對白云:「你眼淚有一個宇宙吧,不能流淚啊,你一旦流淚,就會水淹整個宇宙啊,為了宇宙安全,你不能跟我在一起呢!因為我是會讓女人落淚的男人。」Wow,非常之王家衛《阿飛正傳》Feel,唔知你又有無興趣?

Read more ›
塵阿力《Gorgeous美人展》 買畫集+Postcard送出力啤
by / on 04/01/2019 at 9:00 am

塵阿力《Gorgeous美人展》 買畫集+Postcard送出力啤

塵阿力有份參加《Gorgeous美人展》,除咗作畫參展,佢仲聯乘麥子手工啤酒推出出力啤。出力啤屬雨林咖啡黑啤,買佢本畫集《The Perk》同Postcard即送一支,講到明限量,送完就無。另,想唔想睇塵阿力作畫實錄?入嚟有片睇。

Read more ›
【圖集】復仇「貓」聯盟 喵星人變超級英雄
by / on 04/01/2019 at 7:05 am

【圖集】復仇「貓」聯盟 喵星人變超級英雄

來自印尼嘅插畫師Fajareka Setiawan將貓奴嘅幻想化為真實,設計咗一系列「復仇貓聯盟」。佢喺IG開咗個Catvengers系列,有蜘蛛俠變成嘅Spider-Cat、死侍版嘅Catpool、水行俠變嘅AquaCat、蟻俠版Ant-Cat等,全部都好正,唔知Marvel會唔會考慮開拍?入嚟有得睇。

Read more ›
幫襯「收藏家港漫專區」$20 送貼紙/年曆貼紙/年曆卡三揀一
by / on 03/01/2019 at 7:45 pm

幫襯「收藏家港漫專區」$20 送貼紙/年曆貼紙/年曆卡三揀一

替廣大讀者多謝邱福龍同「收藏家港漫專區」老闆Dicky先,現凡幫襯滿$20,即送賀年貼紙、年曆貼紙或立體年曆卡,三揀一。想攞齊三個Item,分三次幫襯囉,夾埋都不過係區區$60,好易達標啫。

Read more ›

少女版肥婆四出場 甘小文提大家買金多寶
by / on 03/01/2019 at 2:30 pm

少女版肥婆四出場 甘小文提大家買金多寶

今晚9:30pm,我會哺實電視機,事關2019年第一次六合彩攪珠。甘小文好有愛,驚你唔記得,專登畫咗個18歲卜卜脆少女版肥婆四,提你買六合彩。記住,一注獨得有機會攞足8000萬,金多寶呀喂,記得填飛呀。

Read more ›
袁家寶送四張《黑豹》印畫 歡迎下載
by / on 03/01/2019 at 9:30 am

袁家寶送四張《黑豹》印畫 歡迎下載

  睇復刻《洪拳》同復刻《龍虎門》,我例必撈埋信箱同讀者來稿等專欄,發覺二三十年前嘅讀者,好鍾意問主筆攞筆嘴、網紙、親筆畫或印畫,唔知你試過未呢?時移世易,家陣兩個世界咯,想要印畫係唔須要回郵信封嘅,袁家寶剛喺面書掟咗四張《黑豹》印畫出嚟,有成30年歷史架喇,歡迎Fans下載。話時話,其他主筆會唔會效法袁家寶咁做呢?

Read more ›
鄭健和《三國誌異》創刊 簽名版限量100本
by / on 02/01/2019 at 9:45 pm

鄭健和《三國誌異》創刊 簽名版限量100本

今日下晝開始,陸續見到好多面書朋友仔Post《三國誌異》創刊號相片,非常心心眼。點解嘅?唔係聽日先出版咩?我睇文嘉宏喺面書話創號刊會出現「壹本軍團」個Post,明明仲寫住1月3日出版喎。Anyway,如果未買到書如我者,不妨考慮幫襯「至Goal Club」,限量100本有和仔大人親筆簽名嘅創刊號等住你買,不過就要等到1月8日先返貨。等唔切的話,咪有無簽名嘅版本都買各一囉,用實際行動即係雙倍課金,支持和仔大人吖嘛。

Read more ›
Man僧出紋身貼紙 唔貼都買吓啦喂
by / on 02/01/2019 at 9:15 pm

Man僧出紋身貼紙 唔貼都買吓啦喂

Man僧不嬲都多搞作架啦,今次聯乘「Lazy Duo」推出新紋身貼紙,構圖係……根據佢面書,係咁形容:日本遊女加海浪;而我睇法呢,卻係「性感美女戲水」。Anyway,學佢話齋,唔貼都買吓啦喂,Size係14.8cm高、21cm闊,每張8.25美金,大家多多捧場。

Read more ›

本週人氣

8394 views

日本怕凍貓坐太近暖爐 貓鬚鬈晒好可憐

7859 views

本名再現!25歲三上悠亜出圖回憶成人式

7421 views

睇咗未?36歲深田恭子新日劇開播 網民截圖話好可愛

6194 views

【有片】全100期《Gundam MS Bible》 每期一機體超詳盡介紹

5621 views

今個月有得扭 扭蛋球狀變高達頭