動漫資訊

老夫子懷舊西餐廳 大番薯偷約陳小姐
by / on 10/02/2013 at 9:00 am

老夫子懷舊西餐廳 大番薯偷約陳小姐

今日年初一, 想求祈搵個地方食個快飯, 真係隨時加一又加七! 唔緊要, 我有好餐廳推介! 超好情調, 勁有1970年風格, 仲要係老夫子約會陳小姐0既懷舊西餐廳, 不過呢度無0野食, 只可以影相留念; 不過話時話, 點解張相我見到係大番薯同陳小姐撐(木台)腳0既? 新年流流先0黎勾二嫂, 果然好兄弟!

Read more ›

本周Coser賀年版 蛇姬蛇叔迎蛇年
by / on 09/02/2013 at 10:31 pm

本周Coser賀年版 蛇姬蛇叔迎蛇年

嘩!年廿九晚都要打稿搵相,我真係好開心呀!以上呢句,一半真心,因為做咗呢個網10個月,發現原來過時過節都好多讀者陪我哋喺網上慶祝!而我哋facebook人數亦啱啱過咗14,000人,可喜可賀。賣完廣告扮完感性,蛇年嚟緊,今次本周Coser嚟個特別版,搵嚟大量蛇姬Coser,當中梗係有台灣蛇到出晒名嘅林采堤,仲有韓國螺旋貓嘅成員!不過有蛇女又點能夠無蛇男,嚟多個蛇叔Coser大集合,加埋《Metal Gear》入面女角,今晚仲唔靈蛇出洞?

Read more ›
日本動漫警察 玩Cosplay唱歌出大碟
by / on 09/02/2013 at 4:58 pm

日本動漫警察 玩Cosplay唱歌出大碟

日本松戶市喺2011年尾推出咗一個「防犯魔法少女」嘅動漫角色「松宮 アヤ」。咁滅罪海報見到佢,呼籲人哋去捐血嘅海報又見到佢,有動漫萌女做警察代言,反應應該好過用胡椒噴霧多多聲。可能就係受歡迎,最近官方仲搵嚟萱沼千穂Cosplay「松宮 アヤ」唱歌出大碟。

Read more ›
美漫撐遊戲《Injustice》超人插爆小丑
by / on 09/02/2013 at 2:23 pm

美漫撐遊戲《Injustice》超人插爆小丑

美漫《Injustice》為配合4月19日推出嘅PS3/Xbox360/Wii U格鬥遊戲《Injustice: Gods Among Us》,暫時只有網上版本,遲啲先會出真書。呢本由Tom Taylor劇本,Mike Miller、Jheremy Raapack編繪嘅美畫,就梗係集合DC英雄,今個星期勁,勁在小丑激嬲超人,超人唔使講嘢一手插穿小丑心臟,成日講咩仁義,其實對啲奸狗,唔使講道理,咁先係爽!

Read more ›
舉中指飄雪座   新年流流「Instant Fxck You」
by / on 09/02/2013 at 2:19 pm

舉中指飄雪座 新年流流「Instant Fxck You」

呢份禮物,要好憎嗰個人先送得出,但係如果好憎佢,又點解要買嘢送比佢呢?除非老細生日,或者公司被迫搞嘅團年交換禮物囉。但係,送比老細,等同於自殺或者遞辭職信。唔好意思,講咗咁耐癈話,因為我真係諗唔倒呢個咁正義嘅「Instant Fxck you」飄雪座,應該送比邊個好。盛惠美金$30,趁新年前介紹比大家,費事新年流流出呢張相比大家Instant Fxck。入嚟仲有Spider Man同埋燈泡系列,一樣醒神。

Read more ›
JC Shop Lollipop今日開張 買 蝦毛Kitty Masks
by / on 09/02/2013 at 2:06 pm

JC Shop Lollipop今日開張 買 蝦毛Kitty Masks

  JC今日喺世貿開新概念店--JC Shop Lollipop! 最緊要日圓低水, 佢哋自己都話發過豬頭, 不過呢間新店, 就標榜日韓潮流新品, 好似想開多瓣! 不過最過癮, 係佢話全間店會充滿糖果香味, 擺明係氹囡專門店, 產品都偏向生活/美容小道具,當中我見到最過癮, 應該係佢個「蝦毛Kitty Masks」同按摩車, 唔知放喺臉上面, 會唔會變成個貓樣呢? 俾架車轆住嚟按摩, 啲人係咪真係咁犯賤呢? 年廿九開舖, 初一、二、三又開唔開呢?

Read more ›

蛇年自然醒系列  Hello Kitty眼罩擔保好瞓
by / on 09/02/2013 at 1:04 pm

蛇年自然醒系列 Hello Kitty眼罩擔保好瞓

Hello Kitty眼罩有乜特別?點解要介紹?首先,我覺得呢個好似瞓緊覺合埋咗眼嘅Kitty幾得意。再者,佢右上角嘅立體蝴蝶結,令我覺得佢好有誠意,戴起佢好有公主味。最後,亦都係最重要嘅原因,今日起一連四日我都諗住瞓到自然醒,呢個眼罩提醒我今朝比陽光「燦」醒,陣間一定要去買個眼罩確保我嚟緊幾日嘅睡眠質素。售價美金$9.95。

Read more ›
猜猜有幾多個Superhero?
by / on 09/02/2013 at 10:00 am

猜猜有幾多個Superhero?

製作呢幅大作位仁兄厲害呀,居然諗到用Superhero砌個頭像出o黎,砌得出又Post埋上網,咁有o野玩o勒,不妨估估呢幅圖有幾多個Superhero?

Read more ›
Pokemon迷遊日必掃 新貨聽日推出
by / on 08/02/2013 at 12:28 pm

Pokemon迷遊日必掃 新貨聽日推出

農曆新年假期,返學嘅梗係放到爽,返工嘅都唔錯,請兩日放足九日!呢個長假好多人去日本旅行,如果你係其中一個,又係Pokemon迷,咁就有新嘢買喇。聽日(9日)推出呢系列新產品勁有誠意,手機吊飾可以變比卡超條尾,三款水杯就用佢哋條尾做手柄,全國7間專門店都有賣。

Read more ›
第1581-1582期《古惑仔》孖裝,$33
by / on 08/02/2013 at 10:00 am

孖裝《古惑仔》$33,年曆卡值三蚊?

每年過農曆新年,都預咗有一個禮拜要紮砲無公仔書睇,因為所有公仔書都出賀年孖裝,早一個星期連出兩期書,孖裝有兩期書內容,起個Double收三十大元好合理,但無厘頭收到$33,呢下我就係諗唔明嘞。

Read more ›
我比較鍾意「紅金版」利是封,始終都係步驚雲型啲。
by / on 07/02/2013 at 12:00 pm

《天下》送靚靚利是封

利益申報,自從發覺絕心跌落山崖死幾廿次都死唔去之後,我已經無撐《天下》N年。擒日,見有禮利是封送,手痕買本睇吓,估唔到故事已經發展到易風之死,那刻我心底登時一揪,原來,我都仲幾Care《天下》啲主角。

Read more ›

《九龍城寨》送吉祥桌布,老利!
by / on 06/02/2013 at 2:00 pm

《九龍城寨》送吉祥桌布,老利!

即係咁,喺呢個E世代,公仔書送甚麼桌布根本唔值得大肆宣傳,但係咁,我份人就比較鍾意好意頭嘢,今次送嘅係桌布主角係吉祥,咁老利,梗要下載啦。

Read more ›
初音未來眼鏡娘 綠框眼鏡4月發售
by / on 06/02/2013 at 1:39 pm

初音未來眼鏡娘 綠框眼鏡4月發售

當《Monster Hunter》都可以出眼鏡嘅時候,冇近視、對眼大過副鏡嘅初音未來出眼鏡都好理所當然吖。為慶祝SEGA嘅PS3《初音未來 -Project DIVA- F》喺3月7日推出,佢就同日本眼鏡專門店「和真」合作推出兩款眼鏡。售價14,595円,4月推出,男女合用喎。

Read more ›
002劍定山河手機殼$200
by / on 06/02/2013 at 7:30 am

福龍出《鐵將縱橫》手機殼,要撐!

福龍又推出新精品,今次唔只睇得,仲實實際際用得。估到未?係乜?仲未估到?好,開估,就係iPhone5手機殼嘞,反正新年逗咁多利是,仲唔快啲買番個型吓?

Read more ›
新片速報 台灣製造 Stop Motion動畫 杜拉格斯 VS 魔童
by / on 05/02/2013 at 10:07 pm

新片速報 台灣製造 Stop Motion動畫 杜拉格斯 VS 魔童

拍Stop Motion要好花時間精神,仲要加入特殊效果……呢個台灣製作單位Counter656由台灣人黃興良主導,據講佢係大學嘅兼職教師。Counter656拍過好多唔同Stop Motion影片(入嚟有回帶),有變型金鋼、Rockman、街霸等等,用上大量S.H.Figuarts做道具,加埋Photoshop製成。最新傑作係呢條杜拉格斯對魔童,用咗Photoshop執咗超過1000張相製成!雖然我唔明點解一開始要打高達打吉姆,不過放咗一星期有50萬個views,證明好多人欣賞!

Read more ›

本週人氣

24282 views

千年一遇橋本環奈 肥肥哋好可愛

9177 views

到底係咩?日本Gundam迷發現 元祖高達從未立體化裝備!

6282 views

日本調查 最多人搜尋明日花 松下紗栄子最啱老人家

6127 views

男女性搜尋成人關鍵字係咩?女性第2位竟然係「痴漢」

4867 views

日本網民熱傳Cara Delevingne中性造型 皇室婚禮成焦點