動漫資訊

醒獅+大頭佛變機械人 Felix Ip新年主題重機系列
by / on 19/01/2019 at 9:30 am

醒獅+大頭佛變機械人 Felix Ip新年主題重機系列

臨近豬年,Felix Ip呢期嘅「香港重機」系列畫作順理成章以新年為主題,又醒獅喇、南北獅喇、大頭佛喇,仲有個由七八十年代舊式座檯電話變身嘅獅頭,確實幾好想像力,要讚。話時話,呢個主題應該可以延續落去,砲仗、全盒、揮春、利是等等,如果變成機械人唔知係點樣呢?Felix Ip,不妨諗諗佢吖。

Read more ›

《新著龍虎門》驚讀者無記性? 飛妖叛咗九百幾期教先識驚?
by / on 19/01/2019 at 9:00 am

《新著龍虎門》驚讀者無記性? 飛妖叛咗九百幾期教先識驚?

今期第975期《新著龍虎門》,我係有少少睇到火滾嘅。火滾之處有二,一,第四頁半至六頁半內容全屬「上期回顧」性質,譜過啲新旁白說明,將上期劇情重新演繹一次,使唔使呀?其實上期已經有類似情況出現,當讀者咁無記性乎?二,龍虎群英無端端參與四大教主之戰,本身已經唔多合理,OK,Fine,就當石黑龍急於報父仇搵鐵五郎算帳,拖累埋王小虎、天嬌同飛妖參戰,叫做勉強講得通,但飛妖都唔使搏晒老命保住火雲邪神條命仔嘛,依家陣局勢發展,我完全睇唔出有何「唇亡齒寒」嘅道理在,唔夠打最多咪閃囉;仲有,飛妖唔係晨早改邪歸正嘅咩?救完邪神之後又做乜笠晒水跪低成隻狗咁?叛教都已經叛咗九百幾期喇,到依家先識驚?邪神執行家法嗰陣仲唔敢還拖,堂堂羅剎雙妖之一,又玄冰掌又好輕功,使唔使驚到打冷震?諗極唔明係乜玩法。

Read more ›
《山海逆戰》Q版勾徹Figure 2019年發售
by / on 19/01/2019 at 8:45 am

《山海逆戰》Q版勾徹Figure 2019年發售

臨訓前,習慣瀏覽面書,驚覺邱福龍喺面書Post張相,兼留低咗幾隻字曰:「做了發光地枱!2019公開發售」Wow,呢個Q版《山海逆戰》勾徹Figure,造型真係正到啪啪聲,仲要識發光,好難唔買,唔知賣幾多錢呢?同埋,話就話2019,咁究竟係邊個月份呢?好心急。

Read more ›
Pen So x Benz電車車身廣告 幫手影相唔該
by / on 18/01/2019 at 9:04 pm

Pen So x Benz電車車身廣告 幫手影相唔該

Pen So畫作是無處不在的,起碼喺香港島可以咁講,話說佢聯乘Benz出咗個廣告,流動嘅,事關畫作複印喺電車車身,大家搭開叮叮記得多加留意。佢喺面書留言曰:「我其實仲未見過實物,大概一月至二月時間行走,大家見到的話麻煩幫我影張相,儲相集!」大家收到喇,正所謂人多好辦事,見到就唔該幫佢閃番張相,PM番畀佢喇。

Read more ›
《Captain Marvel》釋出官方海報 認熟十個角色
by / on 18/01/2019 at 8:30 pm

《Captain Marvel》釋出官方海報 認熟十個角色

《Captain Marvel》3月上畫,Marvel Studios剛剛釋出十張角色官方海報,Brie Larson飾演嘅Captain Marvel應份有,Nick Fury同Phil Coulson呢兩個角色大家都應該熟口熟面,連寵物貓Chewie the Cat都有份。

Read more ›
超有型不可思議動物 日本網民:「好似寵物小精靈!」
by / on 18/01/2019 at 7:44 am

超有型不可思議動物 日本網民:「好似寵物小精靈!」

真係超似寵物小精靈呀,日本Twitter最近熱傳呢幾張圖,圖中嘅動物外框有強勁嘅白色毛圍邊超有型,有人話佢勁似《寵物小精靈》入面嘅精靈,有人話佢似Capcom遊戲《大神》。咁究竟佢係咩動物?入嚟有答案。

Read more ›

Eric Ng好人好事邀港漫人賜畫 派蒸糕送畀老人家(二)
by / on 17/01/2019 at 8:45 pm

Eric Ng好人好事邀港漫人賜畫 派蒸糕送畀老人家(二)

Eric Ng發動嘅「名師出糕圖」,邀請漫畫家賜圖做蒸糕盒面招紙送畀老人家,無睇錯應該告一段落。人有愛心,啲畫都畫得特別靚嘅,值得大家欣賞兼鼓掌。另,Eric Ng剛剛喺面書登咗幅相,相中兩個利是封都係出自港漫人手筆,好鬼趣緻極具收藏價值,唔知點先可以攞到呢?上佢舖頭拜年講恭喜發財得唔得?

Read more ›
風塵三俠漫畫原稿展 馮志明+司徒劍僑+栢迪開分享會
by / on 17/01/2019 at 8:15 pm

風塵三俠漫畫原稿展 馮志明+司徒劍僑+栢迪開分享會

之前咪介紹過「風塵三俠漫畫原稿展」嘅,嚟緊周六我會補飛睇番。卻原來,聞畫之外,馮志明、司徒劍僑同栢迪仲會搞番個分享會,主旨言簡意賅,就係「如何將藝術愛好觀賞者帶到漫畫領域」。Very good,因為家陣仲有唔少人將漫畫定性為次一等嘅公仔書、連環圖,屏之於藝術門檻之外,家陣由三位資深港漫主筆主講呢個題目,一定有說服力,我好有興趣聽吓佢哋點講。

Read more ›
「四格好波(IC足球部)」送揮春 公開徵祝福語
by / on 16/01/2019 at 11:45 pm

「四格好波(IC足球部)」送揮春 公開徵祝福語

過新年,唔少人都會揮春、利是封或賀年卡之類,面書專頁「四格好波(IC足球部)」都係送揮春,不過就送得過癮啲,公開徵求祝福語內容,甚麼「食極唔肥發達唔奇」、「場場Cleen Sheet」等等,你諗得出而面書負責人又覺得有趣的話,就會幫你印製兼送埋畀你。如果畀我諗的話,我會要「迪基亞好波」、「曼聯必勝」、「紅魔無敵」……好明顯,我係一個曼聯躉。

Read more ›
009《新年與瑞獸同遊》展覽 時代廣場的瑞獸浮雕
by / on 16/01/2019 at 11:10 pm

009《新年與瑞獸同遊》展覽 時代廣場的瑞獸浮雕

今個禮拜要過銅鑼灣走番轉,事關009喺時代廣場搞咗個《新年與瑞獸同遊》展覽,地面有半浮雕神獸,二樓中庭有巨型立體旋轉木馬式神獸模型,全部都係打卡位。認唔到邊隻神獸打邊隻神獸?009有本小冊子,詳細列明麒麟、玄武、貔貅等等神獸名字。本小冊子製作好精美,我想儲。

Read more ›
Post《三國誌異》第三期相上網 送鄭健和x阿傑多畫板
by / on 16/01/2019 at 6:46 pm

Post《三國誌異》第三期相上網 送鄭健和x阿傑多畫板

好事成雙!唔好畀佢停!繼第二期後,《三國誌異》第三期繼續有獎抽。老例,買完書影張封面相掟上網幫手宣傳,加兩句讀後感,再讚好面書專頁「Bookone壹本創作」,就有機會得到由和仔大人同阿傑多聯手砲製嘅簽名畫板一大張。截址日期1月22日23:59pm,名額依舊得一位,唔知我會唔會係幸運兒呢?

Read more ›

《香港漫畫三七面》多漫畫座談會 Tubbyfellow畫揮春
by / on 16/01/2019 at 4:19 pm

《香港漫畫三七面》多漫畫座談會 Tubbyfellow畫揮春

《香港漫畫三七面》格展開展第一日,我已經捧場,Man僧幅超巨型壁畫固然係打卡位,「奶茶通俗學」啲食物插圖都好Sharp醒,Felix Ip啲重機系插畫又係無得頂,黎達達榮嘅漫畫就更加要慢慢嗒喇。多嘢睇,加插嘅漫畫家座談會亦唔可以錯過,包括阿塗聯乘Eric Chow嘅「插畫審醜觀」、崔氏兄弟聯乘細Y嘅「漫談食漫」,仲有Tubbyfellow即席畫揮春添。仲有仲有,睇完展覽,記得落埋樓下精品部掃貨,精品有新有舊,總有一款啱你心水。

Read more ›
日本伊豆「鬼太郎迷你屋」 超平賣130萬円
by / on 16/01/2019 at 7:42 am

日本伊豆「鬼太郎迷你屋」 超平賣130萬円

日本啲屋有時都設計得幾特別,好似最近Twitter熱傳呢間,有人話好似鬼太郎間屋,位於伊豆修善寺車站附近,建於1976年,間屋全靠一支柱支撐,入面有兩層,仲有室內溫泉可以浸浴,售價130萬円 (約港幣9萬円)超抵!不過位置當然偏僻少少,去附近市中心大概駕8分鐘車,行路去最近嘅巴士站就大概10分鐘,入嚟有多啲室內圖可以睇。

Read more ›
Hong Kong Movie x No Paper Studio 送港產片角色利是封
by / on 15/01/2019 at 10:30 am

Hong Kong Movie x No Paper Studio 送港產片角色利是封

家陣利是封再唔係紅紙一張咁簡單,已升格到精品級別,就好似面書專頁「Hong Kong Movie」聯乘另一面書專頁「No Paper Studio無紙用」推出嘅利是封咁,用歷年港產片經典角色做圖案,加多兩句祝福語「祝你哈皮扭耳丫」同「我真係恭喜你呀」,咁鬼正,真係收到都未必捨得撕爛佢,未結婚嘅都想買番疊好好收藏。想要?都係讚好加玩問答遊戲再加抽獎咁喇,自己識做喇。

Read more ›
螢點 x Tiny微影 推出《港漫景搜》著色版明信片
by / on 15/01/2019 at 9:30 am

螢點 x Tiny微影 推出《港漫景搜》著色版明信片

有無撐張君豪畫集《港漫景搜》?嗰種精雕細琢係咪睇到你嘩嘩聲先?嚟緊螢點會再聯乘Tiny微影,推出港漫景搜Postcard,一套六款,推出日期未定。不過講明先,Postcard係由《港漫景搜》裡面抽出六幅畫製作,但重點係──彩色印製!呢鋪正呀喂!

Read more ›

本週人氣

10696 views

日本怕凍貓坐太近暖爐 貓鬚鬈晒好可憐

8110 views

本名再現!25歲三上悠亜出圖回憶成人式

7779 views

睇咗未?36歲深田恭子新日劇開播 網民截圖話好可愛

6258 views

【有片】全100期《Gundam MS Bible》 每期一機體超詳盡介紹

5663 views

今個月有得扭 扭蛋球狀變高達頭